اسلام آباد: قومی اسمبلی کے 9 حلقوں میں ضمنی انتخابات کا اعلان کردیاگیا، الیکشن کمیشن آف پاکستان نےتفصیلات جاری کردیں۔
ترجمان الیکشن کمیشن آف پاکستان کے ترجمان کے مطابق قومی اسمبلی کے 9 حلقوں میں ضمنی انتخاب کے لیے پولنگ 25 ستمبر کو ہو گی۔
ترجمان نے بتایا ہے کہ کاغذاتِ نامزدگی 10 اگست سے 13 اگست تک جمع کروائے جا سکتے ہیں، جن کی جانچ پڑتال 17 اگست کو کی جائے گی۔
الیکشن کمیشن کے ترجمان کے مطابق یہ ضمنی انتخاب این اے 22 مردان 3، این اے 24 چارسدہ 2، این اے 31 پشاور 5، این اے 45 کرم 1، این اے 108 فیصل آباد، این اے 118 ننکانہ صاحب 2 میں ہو گا۔
الیکشن کمیشن کے ترجمان نے یہ بھی بتایا ہے کہ ضمنی انتخاب کراچی کے قومی اسمبلی کے حلقوں این اے 237 ملیر 2، این اے 239 کورنگی کراچی 1 اور این اے 246 کراچی جنوبی 1 میں بھی ہو گا۔
واضح رہے یہ وہی حلقے ہیں جن کے استعفے گزشتہ دنوں اسپیکر قومی اسمبلی راجہ پرویز اشرف نے منظور کئے تھے اور اب الیکشن کمیشن نے شیڈول دیا ہے۔
تبصرے بند ہیں.