فوٹو: فائل
اسلام آباد: مسلم لیگ ن اور تحریک انصاف میں باضابطہ مزاکرات کےلئے رابطہ ہوگیا،حکمران جماعت نے سابق اسپیکر اسد قیصر سے رابطہ کیا ہے۔
سپریم کورٹ کی ہدایت پر ایک ہی دن انتخابات کے حوالے سے بات چیت کےلئے حکومت کے نامزد کردہ نمائندوں نے تحریک انصاف سے باضابطہ مذاکرات کے لئے رجوع کیا ۔
ذرائع کے مطابق حکومت کی جانب سے نامزد کردہ نمائندے سردار ایاز صادق، خواجہ سعد رفیق و دیگر رہنماؤں نے سابق اسپیکر اسد قیصر سے رابطہ کیا اور کہا کہ ہم آپ سے باضابطہ بات چیت کے لیے رابطہ کررہے ہیں۔
اسد قیصر نے حکومتی نمائندوں کے رابطے سے متعلق پیش رفت سے پارٹی سیکرٹری جنرل اسد عمر کو آگاہ کردیا۔
اسد عمر نے اس سلسلے میں کہا کہ رابطہ اچھی بات ہے، حکومتی نمائندے سپریم کورٹ میں دورانِ سماعت اِس پیش رفت سے آگاہ کردیں۔
ذرائع کے مطابق پی ٹی آئی اور حکومتی نمائندوں کی ملاقات کب ہوگی، اس سلسلے میں تاحال حتمی طور پر کچھ طے نہیں ہوسکا ۔ حکومتی اتحاد نے ابھی تک پی ٹی آئی قیادت سے ملاقات کے لیے دن اور وقت طے نہیں کیا۔
دوسری طرف سے گزشتہ روز پیپلز پارٹی کے چیئرمین بلاول بھٹو زرداری اس ڈائیلاگ کا حصہ بننے کےلئے مولانا فضل الرحمان سے ملے تھے۔
تبصرے بند ہیں.