اسلام آباد: وفاقی وزیر اطلاعات مریم اورنگزیب نے کہا ہے ساس و بیگمات کے مشورے پر فیصلہ نہیں ہونے دیں گے، مریم اورنگزیب کا کہنا ہےکہ عمران خان پہلے سربراہ ہیں جس کے بیان کی تردید اس کی اپنی جماعت کا آفیشل اکاؤنٹ کر رہاہے۔
وفاقی وزیراطلاعات نے ایک بیان میں مریم اورنگزیب کا کہنا تھا کہ عمران خان کی جماعت کا آفیشل ٹوئٹر اکاؤنٹ کہہ رہاہے”جوعمران نےکہاوہ عمران نےنہیں کہا”۔ انھوں نے کہا ساس کے خوف، بچوں اور بیگمات کے مشورے سے تمہارے حق میں فیصلہ اب نہیں ہونے دیں گے، اب الیکشن باجوہ اور ساس کے کہنے پر نہیں اپنے وقت پر ہوگا۔
مریم اورنگزیب نے کہا کہ عوام کے ذہنوں کے ساتھ اور نہ کھیلو، قوم کے منہ پر جھوٹ نہ بولو، تم نےسماج، اخلاق، سیاست، معیشت تہس نہس کی، ذہنوں میں زہر گھولا۔
وزیراطلاعات نے کہا تم نے دلوں میں نفرت بھری، سیاست کو گندا اور ملک کو مفلوج کیا،تم نےعدلیہ کو گالی دو، تم دھمکی سے ضمانت کا ریلیف پیکج لو، ساس کےخوف، بچوں اور بیگمات کے مشورے سے تمہارے حق میں فیصلہ اب نہیں ہونےدیں گے۔
آئین سے کھلواڑ کرنے والوں کو قوم بخشے گی اور نہ ہم چھوڑیں گے، اب الیکشن باجوہ اور ساس کے کہنے پر نہیں اپنے وقت پر ہوگا۔ وفاقی وزیر اطلاعات نے کہا تم نے باجوہ کے کہنے پر اسمبلیاں کیوں توڑیں؟ اقتدار کے لیے پنجاب اور پختونخوا کےعوام کی توہین اور نمائندوں کی تضحیک کی اور منتخب اسمبلیاں توڑیں۔
تبصرے بند ہیں.