فوٹو: فائل
اسلام آباد: وزیراعظم شہبازشریف کے قومی اسمبلی سے اعتماد کا ووٹ لینے کی تردید آگئی ہے اوریہ تردید وفاقی وزیر اطلاعات مریم اورنگزیب کی طرف سے کی گئی ہے۔
وفاقی وزیر اطلاعات و نشریات مریم اورنگزیب نے ٹوئٹر پر بیان میں کہا کہ وزیراعظم شہباز شریف کی جانب سے قومی اسمبلی میں اعتماد کا ووٹ لینے سے متعلق خبریں بے بنیاد ہیں۔
انہوں نے کہا کہ وزیراعظم شہباز شریف نے اعتماد کا ووٹ لینے کا فیصلہ نہیں کیا ہے اور ایسی مشاورت ہوئی نہ اس کی ضرورت ہے۔
مریم اورنگریب نے کہا کہ عوام، پارٹی، اتحادی جماعتوں کے متفقہ امیدوار شہباز شریف 11 اپریل 2022 کو قومی اسمبلی کے قائد ایوان کا ووٹ لے چکے ہیں۔
وزیراعظم نے اعتماد کا ووٹ لینے کا فیصلہ نہیں کیا،ایسی مشاورت ہوئی نہ اس کی ضرورت ہے۔ عوام، پارٹی،اتحادی جماعتوں کے متفقہ امیدوار شہباز شریف 11 اپریل 2022 کو قومی اسمبلی کے قائد ایوان کا ووٹ لے چکے ہیں۔ من گھڑت افواہ حقیقت نہیں۔ میڈیا بغیر تصدیق وزیراعظم سے متعلق خبریں نہ چلائے
— Marriyum Aurangzeb (@Marriyum_A) April 24, 2023
تبصرے بند ہیں.