فوٹو: فائل
اسلام آباد: سپریم کورٹ میں چیف جسٹس عمر عطاء بندیال کا بینچ اچانک ڈی لسٹ کر دیا گیا،بینچ کے سامنے آج 12 مقدمات سماعت کے لیے مقرر کیے گئے تھے.
چیف جسٹس عمر عطاء بندیال کا بینچ اچانک ڈی لسٹ کیا گیا ہے اوربینچ کے سامنے سماعت کے لیے مقرر شدہ تمام مقدمات بھی ڈی لسٹ کر دیئے گئے ہیں.
رجسٹرار سپریم کورٹ نے مقدمات ڈی لسٹ ہونے کا نوٹیفکیشن جاری کر دیاہے، اور بتایا گیا ہے کہ بنچز کی ازسرنو تشکیل کی جائے گی.
چیف جسٹس پاکستان کے بینچ میں جسٹس جمال مندوخیل اور جسٹس اطہر من اللّٰہ بھی شامل تھے،اس بینچ کے سامنے آج 12 مقدمات سماعت کے لیے مقرر کیے گئے تھے۔
سپریم کورٹ کے بنچ نمبر دو کے مقدمات کی فہرست بھی منسوخ کردی گئی، جسٹس سردار طارق مسعود اور جسٹس شاہد وحید پر مشتمل بنچ کی کاز لسٹ بھی منسوخ کر دی گئی.
بنچ نمبر دو کے تمام مقدمات کی سماعت کے لیے جسٹس اعجاز الاحسن اور جسٹس امین الدین خان پر مشتمل نیا بنچ تشکیل، سپریم کورٹ کے رجسٹرار آفس نے نئے بنچ نمبر دو کے مقدمات کی فہرست جاری کردی.
دوسری طرف ترجمان سپریم کورٹ کی طرف سے جاری بیان میں کہا گیا ہے کہ چیف جسٹس آف پاکستان کی طبیعت ناساز ہونے کے باعث منسوخ کی گئی.
تبصرے بند ہیں.