راولپنڈی: ضلع خیبر کے علاقے تیراہ میں فائرنگ کا تبادلہ، 2 دہشتگرد ہلاک 2 سپاہی شہید، سیکیورٹی فورسز کا دہشتگردوں کے خلاف آپریشن کیا.
آئی ایس پی آر کے مطابق 25 اپریل 2023 کو خیبر کے ضلع تیراہ میں سیکورٹی فورسز کا دہشتگردوں کے خلاف آپریشن کیا گیا اس دوران سیکیورٹی فورسز اور دھشتگردوں کے مابین شدید فائرنگ کا تبادلہ ہوا.
سیکورٹی فورسز نے مؤثر کاروائی کر کے دو دہشتگرد کو واصلِ جہنم اور چار کو زخمی کر دیا، دھشتگردوں کی تحویل سے بھاری مقدار میں اسلحہ اور گولہ بارود بھی برآمد کیا گیا.
فائرنگ کے شدید تبادلے کے دوران پشاور کے رہائشی 24 سالہ سپاہی باسط علی اور 26 سالہ سپاہی وقاص علی شاہ نے جوانمردی سے مقابلہ کرتے ہوئے جامِ شہادت نوش کیا.
دہشتگردوں کو کیفرِ کردار تک پہنچانے کیلئے علاقے میں سیکورٹی فورسز کا سرچ آپریشن جاری،سیکورٹی فورسز کی قربانیاں دہشتگردی کے ناسُور کو جڑ سے ختم کرنے کیلئے ہمارے عزم کو مضبوط کرتی ہیں۔
تبصرے بند ہیں.