فوٹو: سوشل میڈیا
راولپنڈی: پی ٹی آئی رہنما شہباز گل دوبارہ 2دن کا جسمانی ریمانڈ ملنے پر پولیس کے حوالے، پمزاسپتال منتقل کردیا گیا، ڈاکٹر شہباز گل کے طبی معائنے کیلئے پمز انتظامیہ نے پانچ رکنی میڈیکل بورڈ تشکیل دے دیا۔
شہباز گل کو جوڈیشل پر جیل منتقل ہونے کے بعد پولیس نے دوبارہ ایڈیشنل سیشن جج کی عدالت سے مزید دو دن کا ریمانڈ حاصل کیا اس دوران اڈیالہ جیل میں شہباز گل کی حالت خراب ہو گئی۔
جیل انتظامیہ انھیں ڈی ایچ کیو راولپنڈی منتقل کرنا چارہی تھی تاہم اسلام آباد پولیس اور بعد میں وفاقی حکومت کے فیصلہ پر رینجرز کو لینے جانے کے حکم پر انھیں اسلام آباد پولیس کے حوالے کیا گیا۔
ڈاکٹر شہباز گل کو اڈیالہ جیل سے پمز اسلام آباد کے آئی سی یو میں منتقل کیا گیا ہے میڈیکل بورڈ میں پروفیسر ڈاکٹر آف سرجری، پروفیسر ڈاکٹرآف میڈیسن، پروفیسر آف کارڈک، نیورو میڈیسن اور آرتھوپولک پروفیسرز شامل ہیں۔
جبکہ نوازشریف، مریم، مولانا فضل الرحمٰن اور آصف زرداری جیسےوہ تمام کردار جو ریاستی اداروں کیخلاف بغض و عناد سے بھرپور بیانات کے ذریعے انہیں ہرممکن حد تک بدترین انداز میں بار بار نشانہ بناتے رہے ہیں، بلاخوفِ ملامت آزاد گھوم رہے ہیں۔
— Imran Khan (@ImranKhanPTI) August 17, 2022
تحریک انصاف کے چیئرمین عمران خان کے بھانجے حسان نیازی نے ڈاکٹر شہباز گل کی ہسپتال سے ایک تصویر شیئر کی ہے جس میں دیکھا جاسکتا ہے کہ وہ بے سدھ حالت میں بیڈ پر پڑے ہیں اور انہیں آکسیجن ماسک لگا ہوا ہے۔
حسان نیازی نے مطالبہ کیا کہ پنجاب حکومت کے لوگوں کو بھی پمز میں موجود ہونا چاہیے، اگر شہباز گل کو کچھ ہوجاتا ہے تو اس کے ذمہ دار رانا ثناء اللہ ہوں گے۔
تبصرے بند ہیں.