اسلام آباد: عمران خان کی بغاوت پر اکسانے کے کیس میں عبوری ضمانت منظور،اسلام آباد ہائیکورٹ نے افسران کیخلاف بغاوت پراکسانے کے کیس میں عبوری ضمانت منظور کرلی۔
عبوری ضمانت منظور کرتے ہوئےاسلام آباد ہائیکورٹ نے ایک لاکھ روپے کے مچلکے جمع کرانے کے علاوہ عمران خان کو شامل تفتیش ہونے اور ہرسماعت پر عدالت حاضر ہونے کا بھی حکم دیا۔
اسلام آباد ہائیکورٹ میں عمران خان کی درخواست ضمانت پرچیف جسٹس عامرفاروق نے سماعت کی ہے۔عمران خان کی جانب سے وکیل بیرسٹر سلمان صفدر اور فیصل چوہدری پیش ہوئے۔
عمران خان نے اسلام آباد ہائیکورٹ میں درخواست ضمانت دائرکی۔درخواست میں استدعا کی کہ عدالت درخواست ضمانت منظور کرے،جان کو خطرات لاحق ہیں دوبارہ حملے کا خدشہ بھی موجود ہے۔
اسلام آباد ہائی کورٹ میں عمران خان کی پیشی کے موقع پر2ہزار سے زائد سیکیورٹی اہلکار تعینات کیے گئے ۔ایف سی کے 420 اور رینجرز کے 300 اہلکار بھی ڈیوٹی انجام دی۔ پولیس کے 4 ایس پیز اور 11 اے ایس پیز بھی سیکیورٹی ڈیوٹی پرتعینات تھے۔
واضح رہے کہ عسکری اداروں کیخلاف بات کرنے پرعمران خان کیخلاف 7 اپریل کو مقدمہ مجسٹریٹ منظوراحمد کی مدعیت میں تھانہ رمنا میں درج کیا گیا تھا۔
لاہور ہائیکورٹ نے اسی مقدمے میں چیئرمین پی ٹی آئی عمران خان کی 26 اپریل تک حفاظتی ضمانت منظور کی تھی۔
تبصرے بند ہیں.