کراچی: وزیر خارجہ بلاول بھٹو زرداری بھارتی ہم منصب کی دعوت پرانڈیا چلے گئے۔ وہ بھارت کے شہر گوا میں ہونے والے شنگھائی تعاون تنظیم کے اجلاس میں شرکت کے لیے کراچی سے روانہ ہوئے۔
وزیرخارجہ کا خصوصی طیارہ کے کراچی سے براہ راست گوا گوا میں لینڈ کرے گا، پاکستانی صحافی پہلے ہی گوا پہنچ چکے ہیں ،ذرائع کے مطابق بلاول بھٹوزرداری 2 دن بھارت میں قیام کریں گے۔
بھارت روانگی سے قبل بلاول بھٹو نے سوشل میڈیا پر ویڈیو بیان میں کہا کہ وہ گوا میں پاکستانی وفد کی قیادت کریں گے، ان کا جانا یہ واضح پیغام بھیجتا ہےکہ پاکستان ایس سی او کوکتنی اہمیت دیتا ہے۔
شنگھائی تعاون تنظیم ایک مستقل بین الحکومتی بین الاقوامی تنظیم ہے۔جو ایک نئے،جمہوری، منصفانہ سیاسی واقتصادی بین الاقوامی نظام کے قیام کی طرف بڑھ رہی ہے۔
وزیر خارجہ بلاول بھٹو کو ایس سی او اجلاس میں شرکت کی دعوت تنظیم کی وزارتی کونسل کے سربراہ اور بھارتی وزیر خارجہ ڈاکٹر سبرامنیم جے شنکر نے دی تھی۔
وزیر خارجہ بلاول بھٹو شنگھائی تعاون تنظیم کے وزرائے خارجہ کونسل کے وزارتی اجلاس سے خطاب میں پاکستان کی ایس سی او چارٹر سے وابستگی، عزم اور پاکستانی خارجہ پالیسی میں خطے کے پائیدار ترقی خوشحالی، باہمی تعاون کی اہمیت پر روشنی ڈالیں گے۔
شنگھائی تعاون تنظیم 15 جون 2001 کو شنگھائی (چین) میں قائم کی گئی تھی ممبرز ممالک میں روس ، چین، پاکستان، بھارت، قازقستان، کرغزستان، تاجکستان اور ازبکستان شامل ہیں۔
وزارتی اجلاس میں تنظیم کے رکن ممالک کے وزرائے خارجہ شرکت کریں گے۔ اجلاس میں دلی میں ہونے والے ایس سی او سربراہی اجلاس کی تیاریوں کے حوالے سے امورکو حتمی شکل دی جاے گی۔
واضح رہے بھارتی وزیراعظم نریندرا مودی کی جانب سے مقبوضہ کشمیر کی خصوصی حثیت ختم ہونے کے بعد پاک بھارت سفارتی تعلقات میں خراب ہوگئے تھے جس کے بعد باہمی دورے اور تجارت بند ہے تاہم وزیرخارجہ بلاول بھٹو ان حالات میں پہلی بار بھارتی دورے پر روانہ ہوئے ہیں۔
سابق وزیراعظم عمران خان نے مقبوضہ کشمیر کی پرانی حثیت بحال ہونے تک بھارت کے ساتھ سفارتی تعلقات اور تجارت ختم کردی تھی تاہم اس کے بعد یہ پہلا موقع ہے کہ پاکستان کاکوئی عہدیدار بھارت گیاہے۔
یاد رہے بھارت پاکستان میں کرکٹ کھیلنے کےلئے بھی تیار نہیں ہوتا اور ایشیا کپ میں بھی پاکستان آنے سے انکار کیاہے جب کہ وزیردفاع خواجہ آصف نے بھارت جانے کی بجائے چند دن قبل ایک ایونٹ پرویڈیو لنک پر شرکت تھی۔
تبصرے بند ہیں.