اسلام آباد: سستے تیل کے بڑے دعووں اور اشتہاربازی کے بعد حکومت فیصلہ سے پیچھے ہٹ گئی، حسب سابق عوام کو ریلیف نہ دینے کا جواز آئی ایم ایف کو قرار دے دیا وزیر مملکت پیٹرولیم ڈاکٹر مصدق ملک نے کہا سستے تیل منصوبہ پر عملدرآمد روک دیا ہے.
مصدق ملک نےاسلام آباد میں پریس کانفرنس میں کہاعالمی مالیاتی اداروں کی اعتراضات پر فی الحال عوام کے لیے سستے پیٹرول پیکج پر عملدر آمد رو ک دیا گیا ہے.
کہا معاہدے کے تحت روسی تیل کی قیمت نہیں بتا سکتے البتہ پاکستان کو روسی خام تیل پر اچھی خاصی رعایت ملے گی۔
انہوں نے کہا کہ پاکستان میں 14 ارب ڈالر تک کی سرمایہ کاری سے ریفائنری لگ رہی ہے، لیکن روسی خام تیل پاکستان آئے گا تو پاکستان میں تیل سستا ہو جائے گا۔
انھوں نے کہا کوشش ہوتی ہے عالمی مارکیٹ میں پیٹرولیم مصنوعات سستی ہوں تو پاکستان میں زیادہ سستی کی جائیں، اگر ان قیمتوں میں اضافہ ہو تو کوشش کی جاتی ہے پاکستان میں اضافہ کم کیا جائے ۔
انہوں نے کہا کہ ملک میں گیس کنکشنز کھولے جانے کی باتیں درست نہیں ہیں تاہم روس سے تیل آنے کے بعد تیل کی قیمتوں میں کمی ہو گی.
تبصرے بند ہیں.