فوٹو: فائل
اسلام آباد: فوجی تنصیات پرحملے، مقدمات انسداد دہشتگردی اور فوجی عدالتوں میں چلیں گے، وزیراعظم شہباز شریف نے یہ بات ایک اجلاس میں اظہار خیال کرتے ہوئے کہی ہے.
امن وامان کی صورتحال پر لاہور میں میں وزیراعظم کی صدارت میں اجلاس ہوا جس ملک میں امن وامان کی صورت حال پر تفصیلی تبادلہ خیال کیا گیا
اجلاس میں اہم سیاسی شخصیات اور چاروں صوبوں کے وزرائے اعلیٰ شریک ہوئے، اجلاس میں تمام صوبوں کے نمائندے اور وفاقی افسران بھی شریک تھے۔
اجلاس میں پنجاب حکومت کی جانب سے 9 مئی سے متعلق گرفتاریوں اور کارروائیوں کی رپورٹ پیش کی گئی اور وزیراعظم کو وفاقی حکومت کی جانب سےکیےگئے اقدامات پر بریفنگ دی گئی، اجلاس میں ملکی سیاسی صورتحال کے تناظر میں مشاورت بھی کی گئی۔
وزیراعظم شہباز شریف نے کہا کہ 9 مئی کو عمران نیازی کے حکم پر اس کے جتھوں نے دہشت گردی کی، عمران نیازی نے وہ کر دکھایا جو 75 سال میں دشمن نہ کرسکا تھا، 9 مئی کے واقعات ہمیں ہمیشہ ذہنی کوفت میں مبتلا رکھیں گے۔
وزیراعظم شہباز شریف کا کہنا تھا کہ سویلین تنصیبات پر حملوں کے کیسز انسداد دہشت گردی عدالت میں، فوجی تنصیبات پر حملوں کے مقدمات قانون کے مطابق فوجی عدالت میں چلیں گے۔
وزیراعظم کا کہنا تھا کہ 9 مئی کے واقعات کی منصوبہ بندی کرنے والے بھی قانون کی گرفت سے نہیں بچ سکیں گے ، اکسانے، نعرے لگانے اور توڑ پھوڑ میں ملوث کوئی شخص نہیں بچےگا۔
تبصرے بند ہیں.