اسلام آباد: تحریک انصاف کی رہنما ملیکہ بخاری، سینیٹر قادر نے پی ٹی آئی چھوڑ دی، مسرت چیمہ کی پریس کانفرنس بھی تیار ،ملیکہ نے نیشنل پریس کلب اسلام آباد میں پریس کانفرنس میں اعلان کیا۔
اسلام آباد پریس کلب میں ملیکہ بخاری پریس کانفرنس میں پارٹی چھوڑنے کا اعلان کرنے سے قبل 9 مئی کے واقعات کی مذمت کی ، کہااڈیالہ جیل میں 16روز گزارنے کے بعد پاکستان کی عوام سے مخاطب ہوں.
ان کا کہنا تھا کہ 9مئی کے غیر آئینی اقدامات اور فوجی تنصیبات پر حملے کی مذمت کرتی ہوں،ملیکہ بخاری نے کہا میں تحریک انصاف کی پارٹی پوزیشن سے استعفی دیتی ہوں میں اب اپنی فیملی اور پروفیشن کو وقت دوں گی.
میں تحریک انصاف سے استعفی دیتی ہوں اور لاتعلقی کا اعلان کرتی ہوں۔ انھوں نے کہامجھے نئی معلومات 9مئی کے حملوں میں کون کون شامل یے ،جو لوگ اس میں ملوث ہیں ان تمام کو قانون کے مطابق سزا ملنی چاہئیے۔
ملیکہ بخاری نے کہا کہ مجھ پر پارٹی چھوڑنے کے لیے دباؤ نہیں ہےجیل مشکلات کا سامنا کرنا مشکل ہوتا ہے ،مجھے جیل میں کسی نے تنگ نہیں کیا،مجھے جیل میں سی کلاس دی گئی تھی۔
ذرائع کے مطابق دونوں نے پاکستان تحریک انصاف چھوڑنے کا فیصلہ کرلیاہے ، دوسری طرف جیل حکام کی نظربندی کے احکامات ڈی سی راولپنڈی نے واپس لیئے ہیں۔
ڈپٹی کمشنر راولپنڈی کی جانب سے احکامات واپس لینے پر ملیکہ بخاری کو رہا کیا گیا اور وہ راولپنڈی سے اسلام آباد روانہ ہوگئی ہیں۔ خواتین ارکان سے پہلے سینیٹر عبدالقادر نے بھی پاکستان تحریک انصاف سے راہیں جداکرلیں۔۔۔کہا آزاد حیثیت سے میری سیٹ برقرار ہے۔
سینیٹرعبدالقادرنے بھی تحریک انصاف سے لاتعلقی کااظہاکردیا۔۔۔پارلیمنٹ ہاؤس میں میڈیا سے گفتگو کرتے ہوئے سینیٹر عبدالقادر کا کہنا تھا کہ جناح ہاؤس، کورکمانڈر ہاؤس اور آرمی تنصیبات پر حملے کی مذمت کرتا ہوں۔
انہوں نے مزید کہا کہ ہمارے جوان اپنی جانیں قوم پر قربان کرتے ہیں، پاک فوج اور سکیورٹی اداروں کی قربانیوں کو فراموش نہیں کیا جا سکتا۔
سینیٹر عبدالقادر نے کہا مضبوط فوج مضبوط ملک کی ضامن ہے۔ان کا کہنا تھا کہ کرپشن تقسیم اور تشدد کا راستہ تمام جماعتوں نے اختیار کیا۔
سیاستدان ملک کو بحران سے نکالنے میں کردارادا کریں۔ سینیٹر عبدالقادر نے آزاد حیثیت میں سینیٹ انتخاب جیتنے کے بعد پی ٹی آئی میں شمولیت اختیار کی تھی۔
تبصرے بند ہیں.