راولپنڈی: وائس چیئرمین پی ٹی آئی شاہ محمود قریشی اڈیالہ جیل سے رہا، پارٹی کے ساتھ کھڑے رہنے کا اعلان کرتے ہوئے کہا عمران خان سے ملنے کل زمان پارک جا رہا ہوں۔
راولپنڈی کی اڈیالہ جیل سے رہائی کے بعد میڈیا سے گفتگو میں کہا کہ کارکن ڈٹے رہیں ،مشکل وقت کے بعد روشن سویرا آنے والا ہے۔میرے ہاتھ میں اںصاف کا جھنڈا ہے،قید تنہائی میں غوروفکر کا موقع ملا۔
شاہ محمود قریشی نے کہا کہ موجوہ حالات کا صبر سے مقابلے کریں گے، وائس چیئرمین شاہ محمودقریشی نے کہا کہ میں آج بھی وہاں کھڑا ہوں جہاں گرفتاری سے پہلے کھڑا تھا۔ میرے ہاتھ میں انصاف کا جھنڈا ہے،کارکن مشکل حالات میں صبر سے کام لیں۔
شاہ محمود قریشی نے کہا کہ مجھے غیرقانونی طور پر 3 ایم پی او کے تحت گرفتار کیا گیا۔ ایک قید تنہائی میں موجود شخص کسی کو کیا اشتعال دلاتا۔عدالت نے میرے خلاف کارروائی کو غیرقانونی قرار دے دیا ہے۔
وائس چیئرمین تحریک انصاف کا کہنا تھا کہ آج بھی بے گناہ کارکن جیلوں میں ہیں جن کی رہائی کیلئے اقدامات کریں گے۔وائس چیئرمین پاکستان تحریک انصاف کا کہنا تھا کہ وہ پارٹی چیئرمین سے ملاقات کیلئے لاہور جائیں گے۔
انہوں نے پارٹی کارکنوں،لیگل ٹیم اور خاندان کے افراد کا مشکل حالات میں ساتھ دینے پر شکریہ بھی ادا کیا۔ شاہ محمود قریشی کو لاہور ہائیکورٹ راولپنڈی بینچ نے رہا کرنے کا حکم دے دیا تھا۔
شاہ محمود قریشی نے اپنی لیگل ٹیم، اپنی فیملی اور کارکنوں کا شکریہ بھی ادا کیا اور کہا اب میں چئیرمین پاکستان تحریک انصاف سے ملاقات کرنے کیلئے لاہور جارہا ہوں.
تبصرے بند ہیں.