اسلام آباد: عمران خان اور بشریٰ بی بی القادر ٹرسٹ کیس میں آج دوبارہ نیب میں طلب، نیب راولپنڈی نے چیئرمین تحریک انصاف عمران خان اور ان کی اہلیہ بشریٰ بی بی کو آج دن 11 بجےطلبی کے نوٹس جاری کئے۔
نیب کی طرف سے القادر ٹرسٹ کیس جسے ادارے کی طرف سے جاری پریس ریلیز میں 190 ملین پاوٴنڈ سکینڈل کہا جاتا ہے میں چیئرمین پی ٹی آئی کو آج 11 بجے نیب راولپنڈی دفتر طلب کیا گیاہے۔
چیئرمین تحریک انصاف عمرا ن خان کو نیب سوالنامے کے تمام سوالات کے جواب لانے کے ساتھ کمبائنڈ انویسٹی گیشن ٹیم کے سامنے پیش ہونے کی ہدایت کی گئی ہے، نیب نے ان کے جواب کو غیر تسلی بخش قرار دیتے ہوئے دوبارہ پیشی کا نوٹس جاری کیا تھا۔
نیب نے سابق خاتون اول کو بطور گواہ نوٹسزجاری کیے، نیب کی جانب سے عدالت میں بتایا گیا کہ چیئرمین پی ٹی آئی کی اہلیہ کی گرفتاری نہیں چاہیے۔
سابق خاتون اول سے القادر ٹرسٹ کی دستاویزات رجسٹریشن اور ایچ ای سی سے رجسٹریشن سمیت ملنے والے عطیات کی تفصیلات بھی طلب کی گئی ہیں۔
تبصرے بند ہیں.