اسلام آباد: عمران خان کیخلاف گھڑی کی جعلی رسید جمع کرانے پر ایک اور مقدمہ درج، ایف آئی آر کے مطابق عمران خان پر توشہ خانہ کیس میں گھڑی کی جعلی رسید دینے کے الزام میں ایک اور مقدمہ درج کر لیا گیا۔
ایف آئی آر میں فراڈ، نوسربازی اور ہیرا پھیری کی دفعات شامل کی گئی ہیں، مقدمہ میں گھڑی کی فروخت کے معاملے میں جعلی رسیدیں تیار کرنے کا الزام بھی عائد کیا گیا ہے.
چیئرمین پی ٹی آئی عمران خان کیخلاف فراڈ کا مقدمہ گزشتہ روز 6 جون کو تھانہ کوہسار میں درج کیا گیا ہے، حسب سابق یہ ایف آئی آر بھی ایک شہری نسیم الحق کی مدعیت میں درج کی گئی ہے.
مقدمہ میں سابق خاتون اول، زلفی بخاری، شہزاد اکبر سمیت دیگر کو نامزد کیا گیا ہے اور ان کے خلاف بھی کارروائی کرنے کی استدعا کی گئی ہے.
درخواست گزار دکاندار ہے اور اس کے مطابق چیئرمین پی ٹی آئی اور دیگر نے توشہ خانہ گھڑی کی خرید وفروخت میں میری دکان کی جعلی رسید استعمال کی۔
تبصرے بند ہیں.