عبدالعلیم خان شاہ محمود قریشی کے بیان پر برا منا گئے

فوٹو: فائل

لاہور: استحکام پاکستان پارٹی کے سینیر رہنما عبدالعلیم خان شاہ محمود قریشی کے بیان پر برا منا گئے، جواب میں ٹوئٹر پر بیان جاری کردیا۔

عبدالعلیم خان نے کہا، قریشی صاحب عزت ذلت تو میرے اللہ کے پاس ہے، اللہ
کو معلوم ہے کہ کون “Dead on arrival” ہے اور کس کا ” The End ” ہے۔

محترم قریشی صاحب، عزت ذلت تو صرف میرے اللہ کے پاس ہے اور اسی کو معلوم ہے کہ کون “Dead on Arrival” ہے اور کس کا “The End” ہے۔

— Abdul Aleem Khan (@abdul_aleemkhan) June 10, 2023

اس سے قبل لاہور میں میڈیا سے گفتگو میں تحریک انصاف کے وائس چیئرمین شاہ محمود قریشی نے کہا ہے کہ نئی پارٹی کی لانچنگ ایسی ہی ہے جیسے ایمرجنسی میں ڈیتھ آن آرئیول۔

شاہ محمود قریشی نے کہا کہ وفاق نے 12 ماہ کا بجٹ دیا اور پنجاب نے 4 ماہ کے بجٹ کا فیصلہ کیا، عبوری حکومت کو بجٹ پر نظر ثانی کرنا ہوگی۔

انھوں نے کہا عوام کو اس بجٹ میں کوئی ریلیف نہیں دیا گیا، بجٹ کے نام پر قوم کے ساتھ مذاق کیا جارہا ہے۔

شاہ محمود قریشی نے کہا کہ اسحاق ڈار پاکستان کی معیشت کے ہٹ مین ہیں، بجٹ میں الیکشن کے لیے پیسہ رکھا ہے، نیتوں کا حال اللہ جانتا ہے، اس بجٹ میں بار بار ترمیم ہوتی رہے گی۔

تنخواہوں میں 30 سے 35 فیصد اضافہ ہوگا پیسہ کہاں ہے آپ کے پاس؟ بجٹ میں ساڑھے 600 ارب کا سرپلس دکھایاگیا ہے وہ کہاں سے آئے گا؟