راولپنڈی : شمالی وزیرستان کے علاقے میرانشاہ میں فائرنگ کے تبادلہ میں 3 دہشتگرد ہلاک ،4 زخمی ،3 سکیورٹی اہلکار شہید ہو گئے ۔
آئی ایس پی آرکے مطابق سکیورٹی فورسز اور دہشت گردوں کے درمیان فائرنگ کے تبادلے میں 3 دہشت گرد ہلاک اور 4 زخمی ہوگئے۔
سکیورٹی فورسز اور دہشت گردوں کے درمیان مقابلہ 9 اور 10 جون کی درمیانی شب ہوا، شدید فائرنگ کے تبادلے میں پاک فوج کے 3 جوان بھی شہید ہوئے۔
اعلامیہ میں کہا گیاہےکہ ہلاک دہشت گردوں سے اسلحہ اور گولہ بارود بھی برآمد ہوا، سکیورٹی فورسز نے مؤثر طریقے سے دہشت گردوں کے ٹھکانےکا پتہ لگایا۔
پاک فوج کے شہدا میں صوبیدار اصغرعلی، سپاہی نسیم خان اور سپاہی محمد زمان شامل ہیں، صوبیدار اصغرعلی شہید کی عمر 40 سال اور اس کا تعلق لکی مروت سے تھا۔
سپاہی نسیم خان شہیدکی عمر 26 سال اور اس کا تعلق بھی لکی مروت سے تھا، سپاہی محمد زمان شہید کی عمر 22 سال اور اس کا تعلق ایبٹ آباد سے تھا۔
آئی ایس پی آر کے مطابق پاک فوج کے شہید جوانوں نے دہشت گردوں کا جرات وبہادری سے مقابلہ کیا، علاقے میں موجود کسی بھی دہشت گرد کے خاتمے کے لیے آپریشن ۔
پاکستانی مسلح افواج دہشت گردی کے ناسور کے جڑ سے خاتمے کے لیے پرُعزم ہیں، بہادر جوانوں کی لازوال قربانیاں ہمارے عزم کو مزید مضبوط کرتی ہیں۔
تبصرے بند ہیں.