اسلام آباد: ٹک ٹاکر حریم شاہ کی ویڈیوز لیک کی ملزمہ صندل خٹک کوجیل بھیج دیاگیا،کیس میں عدالت نے ملزمہ، ٹک ٹاکر صندل خٹک کو جوڈیشل ریمانڈ پر اڈیالہ جیل بھیجا ہے۔
اسلام آباد کی ڈسٹرکٹ اینڈ سیشن کورٹ نے ٹک ٹاکرصندل خٹک کے خلاف سوشل میڈیا ماڈل حریم شاہ ویڈیوز لیک کیس کی سماعت جوڈیشل مجسٹریٹ شبیر بھٹی نے کی۔
اس دوران صندل خٹک کو ریمانڈ کے لیے مجسٹریٹ کی عدالت میں پیش کیا گیا،دورانِ سماعت ایف آئی اے کے تفتیشی افسر نے عدالت سے صندل خٹک کے 5 روزہ جسمانی ریمانڈ کی استدعا کی۔
تفتیشی افسر کا عدالت سے صندل خٹک کے جسمانی ریمانڈ کی استدعا کرتے ہوئے کہنا تھا کہ شریک ملزمہ عائشہ ناز کو شامل تفتیش کرنا ہے اور مزید تفصیلات لینی ہیں۔
اس دوران صندل خٹک کے وکیل کی جانب سے جسمانی ریمانڈ کی مخالفت کی گئی،صندل خٹک کے وکیل، وکیل صفائی کا عدالت میں کہنا تھا کہ صندل خٹک کا موبائل پہلے ہی تفتیشی افسر کی تحویل میں ہے۔
عدالت نے تفتیشی افسر کی جسمانی ریمانڈ کی استدعا مسترد کرتے ہوئے ٹک ٹاکر صندل خٹک کو جوڈیشل ریمانڈ پر اڈیالہ جیل بھیج دیا۔
عدالت پیشی کے دوران صندل خٹک کی میڈیا کی طرف سے فوٹیج بنانے پر ان کے ساتھ موجود خاتون نے اعتراض کیا اور کہا کہ ہم ویڈیو نہیں بنوانا چاہتے۔
تبصرے بند ہیں.