کراچی: میئر کراچی کا انتخاب پیپلزپارٹی جیت گئی، جماعت اسلامی کا 30 ووٹرز لاپتہ کرنے کا الزام، بظاہر غیر سرکاری نتائج کے مطابق پیپلزپارٹی کے مرتضی وہاب میئر کراچی منتخب ہوگئے۔
غیر سرکار ی نتائج کے مطابق پیپلزپارٹی کے امیدوار مرتضی وہاب کو 173 ووٹ ملے جبکہ جماعت اسلامی اور تحریک انصاف کے مشترکا امیدوار حافظ نعیم کو 160 ووٹ ملے۔پی ٹی آئی کے30سے زائد ارکان غیر حاضر رہے۔
میئر اور ڈپٹی میئر کراچی کے انتخاب کیلئے شو آف ہینڈ کے ذریعے پولنگ کے بعد گنتی کا عمل مکمل ہوگیا۔ میئر کیلئے پیپلز پارٹی کے مرتضیٰ وہاب اور جماعت اسلامی کے حافظ نعیم الرحمن مدمقابل تھے۔
حافظ نعیم الرحمان نے انتخابی عمل کو ڈھونگ قرار دیا کہا فری فئیر الیکشن کیسے ہوگا جب 30 منتخب بندے کہیں نہیں ہیں، ایسی اطلاع ہے کہ انہیں لاپتہ کیا گیا ہے۔
انہوں نے کہا کہ ان غائب اراکین پر تشدد کی بھی اطلاعات ہیں، یہ الیکشن کمشنر کی ذمہ داری تھی کہ آپ سب کو یہاں حاضر کرواتے۔ انہوں نے دعویٰ کیا کہ پیپلزپارٹی کے ہتھکنڈوں کے باوجود کامیابی ہماری ہوگی.
جماعت اسلامی اور تحریک انصاف کے اتحاد کے بعد یہ 30 ارکان حافظ نغیم الرحمان کے حامی تھے لیکن ان کو غائب کر دیا گیا بعض کو زبردستی روکنے کی بھی اطلاعات ہیں.
تبصرے بند ہیں.