اسلام آباد: گرمی کی نئی لہر، محکمہ موسمیات کا الرٹ جاری، درجہ حرارت کہاں پہنچے گا؟ آئندہ ہفتے شدید گرمی رہے گی، بجلی اور پانی کی طلب میں اضافہ ہوجائیگا، عوام احتیاطی تدابیر اختیار کریں۔
محکمہ موسمیات کی طرف سے جاری الرٹ میں کہا گیا ہے کہ آئندہ ہفتے کیلئے شدید گرمی ہو گی، رواں ہفتے ملک کے بیشتر علاقے گرمی کے زیر اثر رہیں گے، رواں ہفتے ملک کے اکثر مقامات پر درجہ حرارت میں اضافے کا امکان ہے۔
میٹ آفس کے مطابق 20 سے 24 جون تک درجہ حرارت میں بتدریج اضافہ ہوسکتا ہے، بالائی و وسطی پنجاب، اسلام آباد میں دن کے درجہ حرارت میں 4 سے 6 ڈگری اضافہ ہوگا.
بتایا گیا ہے درجہ حرارت میں اضافے سے بجلی اور پانی کی طلب بھی بڑھ جائے گی، عوام گرمی سے بچاؤ کیلئے احتیاطی تدابیر اختیار کریں۔
محکمہ موسمیات کا کہنا ہے کہ خیبر پختونخوا ، آزاد کشمیر، گلگت بلتستان میں بھی دن میں درجہ حرارت میں 4 سے 6 ڈگری اضافے کا امکان ہے، سندھ، جنوبی پنجاب اور بلوچستان میں درجہ حرارت 2 سے 4 ڈگری معمول سے زیادہ رہنے کا خدشہ ہے۔
محکمہ موسمیات کے مطابق پہاڑی اور میدانی علاقوں میں چند مقامات پر آندھی اور بارش کا بھی امکان ہے۔
تبصرے بند ہیں.