فوٹو:اسکرین گریب
کراچی: بلاول بھٹو نے بھری تقریب میں نیبل گبول سے ملنے کی بجائے پیچھے دھکیل دیا،منظر کیمرے کی آنکھ میں محفوظ ہونے کی وجہ سے زیادہ جگ ہنسائی ہوگئی، ویڈیو دھڑا دھڑ سوشل میڈیا پر شیئر ہورہی ہے۔
کراچی کے نئے میئرمرتضیٰ وہاب کی تقریب حلف برداری میں یہ منظر دیکھا گیا جب چیئرمین پیپلز پارٹی بلاول بھٹو زرداری اور سینئر پارٹی رہنما نبیل گبول کی ایک ویڈیو وائرل ہوئی جہاں بلاول بھٹو نے نبیل گبول سے ہاتھ ملانے سے گریز کیا۔
تقریب میں نبیل گبول پہلی صف میں بیٹھے تھے، انہوں نے بلاول بھٹو کے قریب آنے کی کوشش کی تو چیئرمین پیپلز پارٹی نے بظاہر انہیں روک دیا۔
کچھ صارفین نے یہ کہا کہ یہ ویڈیو نامکمل ہے جب کہ حقیقت اس کے برعکس تھی، البتہ بلاول بھٹو زرداری کی نبیل گبول سے ہاتھ ملانے سے گریز کرنے کی ویڈیونمایا ں ہے اور بظاہر ایسا کچھ ہی ہوا ہے۔
ایک صارف نے مکمل ویڈیو بھی شیئر کی جس میں بلاول نشست پر بیٹھے نبیل گبول کی بات سُن رہے ہیں،نامکمل ویڈیو پر پی پی رہنما سعید غنی نے بھی ٹوئٹ کی کہ یہ نامکمل ویڈیو ہے۔
Damn! 🔥 PPP issued show-cause notice to Nabil Gabol for insensitive remarks on “r*pe”. Bilawal Bhutto looked angry 💯pic.twitter.com/8P98JIeb2G
— Saad Kaiser 🇵🇰 (@TheSaadKaiser) June 19, 2023
سعید غنی نے کہا یہ سب میرے سامنے ہوا، چیئرمین بلاول بھٹو نے نبیل گبول کو سنا پھرسلمان مراد پارٹی چیئرمین کی طرف آئے اس پر چیئرمین نے کہا کہ ’ساری باتیں یہاں کروگے کیا‘۔
نبیل گبول کے بیٹے نادر گبول بھی خاموش نہ رہے اور انھوں نے ویڈیو وائرل ہونے کے بعد گزشتہ شب ایک ویڈیو ٹوئٹر پر شیئر کی جس میں انہوں نے بالخصوص بلاول کے اخلاق کا تذکرہ کیا۔
نادر گبول نے اپنی ویڈیو کے کیپشن میں لکھا ‘موجودہ وزیر خارجہ اور مستقبل کے وزیر اعظم بلاول بھٹو زرداری ایک مکمل نفیس انسان ہیں جو اپنے تمام کارکنان سے گرم جوشی اور محبت سے ملتے ہیں’۔
ویڈیو میں دیکھا جاسکتا ہے کہ بلاول پہلے گرم جوشی سے نادر گبول سے مصافحہ کرتے ہوئے محوِ گفتگو ہیں جب کہ بعدازاں دونوں نے ایک دوسرے کے ساتھ تصویر بھی بنوائی۔
نادر نے یہ ویڈیو کس تناظر میں شیئر کی، البتہ نادر گبول کی جانب سے مذکورہ ویڈیو بلاول بھٹو اور اپنے والد کی ویڈیو وائرل ہونے کے بعد شیئر کی گئی۔
تاہم نادر گبول کی جانب سے شیئر کی جانے والی ویڈیو میئر کراچی مرتضیٰ وہاب کی تقریب حلف برداری کی نہیں بلکہ کسی اور تقریب کی ہے کیونکہ اس میں بلاول بھٹو کا لباس کچھ اور ہے۔
تبصرے بند ہیں.