لاہور : پرویز الٰہی رہائی ملنے سے پہلے منی لانڈرنگ کے مقدمہ میں گرفتار کر لئے گئے، ایف آئی اے حکام نے سابق وزیراعلیٰ پنجاب کو منی لانڈرنگ مقدمے میں حراست میں لے لیا۔
سابق وزیراعلیٰ پنجاب پرویز الٰہی کو گرفتار کرکے ایف آئی اے ٹیم ضلع کچہری روانہ ہوگئی ہے جہاں فیڈرل انویسٹی گیشن حکام پی ٹی آئی صدر پرویز الٰہی کے جسمانی ریمانڈ کی استدعا کریں گے۔
پرویزالہیٰ کو گزشتہ روز اینٹی کرپشن عدالت لاہور سے ضمانت منظور ہونے کے باوجود رہائی نہیں مل سکی تھی، چوہدری پرویزالٰہی کے خلاف ایف آئی اے میں ایک اور مقدمہ درج کر لیا.
اس سے قبل اینٹی کرپشن عدالت کے جج علی رضا نے سابق وزیراعلیٰ چوہدری پرویزالٰہی کی ضمانت سے متعلق محفوظ فیصلہ سنایا تھا۔
اینٹی کرپشن عدالت نے چوہدری پرویز الٰہی کی ضمانت منظور کرتے ہوئے انہیں 10 لاکھ روپے کے ضمانتی مچلکے جمع کرانے کا حکم دیا تھا جو جمع نہیں کراگئے جس کی وجہ سے انہیں رہائی نہیں مل سکی تھی۔
سابق وزیراعلیٰ پنجاب چوہدری پرویزالٰہی کو پہلے بھی عدالتوں سے ضمانتیں ہونے کے بعد کئی بار مختلف کیسز میں گرفتار کیا جاچکا ہے، چوہدری شجاعت کی ملاقات کے بعد تاثر دیا گیا تھا کہ معاملات طے پا گئے ہیں.
تبصرے بند ہیں.