لاہور: ماڈل میشا شفیع سےوکلا کے تیکھے سوالات،علی ظفرکےلئے نرم گوشہ بھی دیکھا گیا اور اداکارہ نے جرح کے دوران تسلیم کیا کہ علی ظفر اب بھی اچھے آرٹیسٹ ہیں۔
لاہور سیشن کورٹ میں گلوکارہ میشا شفیع کے خلاف گلوکار علی ظفر کی جانب سے دائر کیے گئے ہتک عزت کے دعوے پر سماعت ہوئی۔
ماڈل میشا شفیع نے عدالت میں اپنے بیان میں گلوکار علی ظفر کے تاحال کامیاب آرٹسٹ ہونے کا اعتراف بھی کیا اوراپنے بیان پر وکلا کی جرح مکمل کرا دی۔
سماعت کے دوران وکیل علی ظفر نے میشا شفیع سے سوال پوچھتے ہوئے کہا کہ کیا آپ سمجھتی ہیں کہ الزامات سے پہلے علی ظفر پاکستان کے کامیاب ترین آرٹسٹ تھے؟
جس پر اداکارہ و گلوکارہ نے جواب دیا کہ علی ظفر تو اب بھی کامیاب آرٹیسٹ ہی ہیں۔
آپ جانتی تھیں جنسی الزامات عائد کیے جائیں توبین الاقوامی کمپنیز اس شخص کے ساتھ کام نہیں کرتیں،علی ظفر کے وکیل کی جرح، میشا شفیع کا کہنا تھا کہ میں اس بارے میں نہیں سوچ رہی تھی۔
سماعت کے دوران وکیل علی ظفر میشا شفیع سے مزید سوال سوالات کرتے ہوئے پوچھا کہ کیا آپ نے علی ظفر کو مالی طور پر کمزور کرنے کے لیے جنسی ہراساں کرنے کے الزامات لگائے۔
میشا شفیع نے کہا کہ یہ غلط ہے میں پاکستان کی پہلی خاتون تھی جس نے آواز اٹھائی، میں نے می ٹو سمیت دیگر فورمز پر آواز اٹھائی۔
اُن کا کہنا تھا کہ یہ غلط ہے ہراساں کرنے کے الزامات پر میں نے کوئی گواہ پیش نہیں کیا،جنسی الزامات عائد کرنے پر ہی علی ظفر نے میشا شفیع کے خلاف ہتک عزت کا دعوی دائر کر رکھا ہے۔
تبصرے بند ہیں.