فوٹو:فائل
اسلام آباد:تاحیات نااہلی کا قانون ختم، نوازشریف اور جہانگیر ترین کےلئے میدان صاف کردیا گیا،قومی اسمبلی نے نااہلی کی مدت5 مقرر کرنے کا قانون منظور کرلیا، عارف علوی کی غیر موجودگی میں قائم مقام صدر مملکت صادق سنجرانی قانون کی منظوری دیں گے۔
اس کے علاوہ قومی اسمبلی نے الیکشن کی تاریخ مقرر کرنے میں صدر مملکت کی مشاورت بھی ختم کردی اب الیکشن کمیشن خود تاریخ کا تیعن کرے گا اور انتتخابات کی مدت آگے بھی کر سکے گا۔
الیکشن کی تاریخ سے متعلق اصلاحات کا بل اتفاق رائے سے منظور کر لیا ہے۔وزیر خزانہ اسحاق ڈار نے الیکشن ترمیمی بل 2023ء سپلیمنٹری ایجنڈے پر پیش کیا تھا، جسے اتفاق رائے سے منظور کرلیا گیا۔
بل میں آئین کے آرٹیکل باسٹھ ون ایف کے تحت الیکشن ایکٹ میں ترمیم تجویز کی گئی،الیکشن ایکٹ میں نئی ترمیم کے بعد آئین کے آرٹیکل 62 ون ایف کے تحت اب نااہلی کی سزا پانچ سال ہوگی۔
الیکشن ایکٹ 2023 کے تحت عام انتخابات کی تاریخ کا اعلان کرنے کا اختیار صدر مملکت کے ساتھ مشاورت کے بغیر الیکشن کمیشن کو دینے کی ترمیم منظور کر لی گئی ہے۔
واضح رہےالیکشن ایکٹ 2023 سینیٹ نے چند روز قبل ہی منظور کیا تھا۔ اس کے ذریعے الیکشن کمیشن انتخابی شیڈول میں تبدیلی بھی کرسکے گا۔
اس بل میں نااہلی کی مدت 5 سال کردی گئی ہے اور اس کی منظوری سے سابق وزیر اعظم نواز شریف اور استحکام پاکستان پارٹی کے رہنما جہانگیر ترین سمیت دیگر کے لیے اہلیت کی راہ ہموار ہوگی
تبصرے بند ہیں.