اسلام آباد: وزیراعظم کاآئی ایم یف سےایک اوررابطہ،معاہدہ ختم ہونے کی الٹی گنتی جاری، شہبازشریف مینیجنگ ڈائریکٹرکے ساتھ ٹیلی فون رابطہ کے بعد مثبت پیش رفت کےلئے پرامید ہیں۔
عالمی مالیاتی ادارے کا پاکستان کے ساتھ معاہدہ ختم ہونے میں صرف 3 دن باقی ہیں اگر بات نہ بنی تو پاکستان کےلئے مالی مشکلات مزید بڑھ جائیں گی۔
وزیراعظم شہبازشریف نے گزشتہ چند روز کے دوران آج چوتھی بارآئی ایم ایف کی مینیجنگ ڈائریکٹرسےگفتگو ہوئی ہے جس میں شہبازشریف نے جلد پیش رفت پر زور دیا۔
وزیراعظم نے معاشی صورتحال کی بہتری کے اہداف مشترکہ کوششوں سے حاصل کرنےکے عزم کا اعادہ کیا اوربتایا کہ پاکستان نے مزید شرائط پوری کردی ہیں۔
شہبازشریف نے کہا کہ آئی ایم ایف پروگرام کے نکات پرہم آہنگی ایک دو دن میں آئی ایم ایف کے فیصلےکی شکل اختیارکرےگی۔
آئی ایم ایف کی مینیجنگ ڈائریکٹر نے وزیراعظم شہباز شریف کے قائدانہ عزم کو سراہتے ہوئے کہا کہ پاکستان کی معاشی صورتحال کی بہتری چاہتے ہیں۔
واضح رہے کہ پاکستان اور آئی ایم ایف کا معاہدہ 30 جون کو ختم ہورہا ہے تاہم اس کے باوجود پاکستان عالمی مالیاتی فنڈ(آئی ایم ایف) کے ساتھ اسٹاف لیول معاہدے کے لیے پرامید ہے۔
میڈیا رپورٹس کے مطابق پاکستان نے 6 ارب ڈالرکی بیرونی فنانسنگ پر آئی ایم ایف سے نرمی کی درخواست کی ہے، نرمی کے عوض مزید ٹیکس لگانےکی شرط رکھی گئی ہے۔
وزیراعظم نے گزشتہ دنوں لندن میں ہونے والی ماحولیاتی کانفرنس میں بھی آئی ایم ایف کی ایم ڈی سے ملاقات کی تھی جس کے بعد میڈیا میں رپورٹ ہوا کہ پاکستان اور آئی ایم ایف کے درمیان جلد معاہدہ ہونے والا ہے۔
تبصرے بند ہیں.