ملکہ الزبتھ کا تابوت شاہی والٹ میں اُتار دیاگیا،آخری رسومات ختم
فوٹو: اے ایف پی
لندن :ملکہ الزبتھ کا تابوت شاہی والٹ میں اُتار دیاگیا،آخری رسومات ختم، تابوت ونزر کیسل میں سینٹ جارج چیپل کےشاہی والٹ میں اُتارا گیا۔
آخری رسومات میں دنیا بھر سے شرکت کےلئے آئے سربرہان مملکت ، وزرائے اعظم ، صدور کی واپسی جاری، شاہی والٹ ماضی کے کئی برطانوی بادشاہوں کی آخری آرام گاہ ہے۔
برطانوی شاہی خاندان کے افراد پر مشتمل نجی سروس کے بعد ملکہ الزبتھ کا تابوت کنگ جارج ششم میموریل چیپل منتقل کیاجاتاہے
اسی شاہی والٹ میں ملکہ برطانیہ کے شوہر شہزادہ فلپ بھی دفن ہیں، ملکہ الزبتھ کا تابوت شاہی والٹ میں اتارے جانے کے بعد شاہی سوگ کاباضابطہ ختم ہو گیاہے۔
کنگ جارج ششم میموریل چیپل میں ملکہ الزبتھ کے والد شاہ جارج ششم اور والدہ دفن ہیں،شہزادہ فلپ کا تابوت بھی سینٹ جارج چیپل سےکنگ جارج ششم میموریل چیپل منتقل کیاجائےگا۔
آخری رسو مات ویسٹ منسٹر ایبی میں ادا کی گئیں۔ ملکہ کی آخری رسومات میں پاکستان کے وزیراعظم شہبازشریف سمیت امریکا، کینیڈا، فرانس اور دیگر ممالک کے تقریبا500معززین شریک ہوئے۔
سابق برطانوی وزرائے اعظم جان میجر، ٹونی بلیئر، گورڈن براؤن، ڈیوڈ کیمرون، تھریسا مے، بورس جانسن بھی آخری رسومات میں شریک ہوئے۔
وزیراعظم شہبازشریف آخری رسومات میں شرکت کے بعد امریکہ چلے گئے جہاں آج سے ان کی دیگر مصروفیات شروع ہوں گی ، آج سیکرٹری جنرل یو این کے استقبالیہ میں بھی شریک ہوں گے۔
شہبازشریف کی 23 ستمبر کو جنرل اسمبلی سے خطاب سے پہلے ترکیہ ، ایران، چین کے صدور سے ملاقاتیں شیڈول کا حصہ ہیں جب کہ افریقی ممالک کی ایک کانفرنس میں بھی شامل ہوں گے۔
تبصرے بند ہیں.