ہرارے: ورلڈ کپ کوالیفائر سپر سکس مرحلہ، ویسٹ انڈیزورلڈ کپ کی دوڑ سے آوٹ ہوگیا،آخری دھکااسکاٹ لینڈ نے دیا، کالی آندھی کے نام سے مشہور ویسٹ انڈیز کو پہلے زمبابوے اور نیدرلینڈ نے شکست سے دوچار کیا تھا۔
اب اسکاٹ لینڈ نے بھی شکست ویسٹ انڈیز کو 7 وکٹوں سے شکست دے دی جس کے بعد ویسٹ انڈیز کی ٹیم ورلڈ کپ کیلئے کوالیفائی کرنے میں ناکام ہوگئی۔
آئی سی سی ورلڈ کپ کوالیفائرز کے گروپ میچز میں زمبابوے اور نیدرلینڈز کے ہاتھوں شکست کے بعد ویسٹ انڈیز کی ٹیم ہفتے کو سپر سکس مرحلے کے میچ میں اسکاٹ لینڈ سے بھی ہار گئی۔
ہرارے میں کھیلے گئے ورلڈ کپ کوالیفائر سپر سکس میں اسکاٹ لینڈ نے ٹاس جیت کر ویسٹ انڈیز کو بیٹنگ کی دعوت دی۔ ویسٹ انڈیز کی ٹیم 181 رنز بنا سکی۔
جیسن ہولڈر 45 رنز بنا کر ٹاپ اسکورر رہے جب کہ روماریو شیفرڈ نے 36 رنز بنائے۔ اسکاٹ لینڈ کے برینڈون مک مولن نے تین کھلاڑیوں کو پویلین کی راہ دکھائی۔
ویسٹ انڈیز کی جانب سے بنائے گئے 182 رنزکے ہدف کو اسکاٹ لینڈ کی ٹیم نے 44 ویں اوورز میں 3 وکٹوں کے نقصان پر حاصل کرلیا اور 7 وکٹوں سے مخالف ٹیم کو شکست دے دی۔
میچ میں اسکاٹ لینڈ کے میتھیو کراس نے 74 رنزکی ناقابل شکست اننگزکھیلی جب کہ برینڈن میک کلم نے 69 رنز بنائے۔
اس شکست کے ساتھ ہی دو مرتبہ کا عالمی چیمپئن ویسٹ انڈیز پہلی بار ورلڈ کپ کیلئے کوالیفائی نہ کرسکا۔ یہ ورلڈ کپ کوالیفائرز میں ویسٹ انڈیز کی مسلسل تیسری شکست تھی جس کے بعد وہ پہلی مرتبہ ورلڈ کپ کیلئے کوالیفائی کرنے میں ناکام ہوگئی۔
بھارت میں ہونے والا کرکٹ ورلڈ کپ 2023 ویسٹ انڈیز کے بغیر ہونے والا پہلا ورلڈ کپ ہوگا،اور ورلڈ کپ مہم میں نئی صف بندی نظر آئے گی۔
تبصرے بند ہیں.