اسلام آباد: شریک چیئرمین پاکستان پیپلز پارٹی آصف علی زرداری نے ہے کہ 5 جولائی 1977 کو پاکستان کو اندھیرے کی طرف دھکیل دیا گیا تھا۔ پاکستان آج تک 1977 کی فوجی مداخلت کا خمیازہ بھگت رہا ہے۔
سابق صدر آصف علی زرداری کا 5 جولائی یوم سیاہ کے موقع پر پیغام میں کہنا تھا کہ 5 جولائی پاکستان کی سیاسی تاریخ کا سیاہ ترین دن ہے، آئین شکن ٹولے نے اقتدار کی لالچ میں قوم سے آئین کا نور چھین لیا تھا۔
آصف علی زرداری نے کہا کہ اقتدار کے لالچی ٹولے نے وطن کی آزادی، خودمختاری اور خودداری کو پامال کیا، ذوالفقار علی بھٹو شہید نے باوقار اور ایٹمی پاکستان کی تعمیر کی تھی.
شریک چیئرمین پاکستان پیپلز پارٹی کا 1977 میں فوجی آمر کی طرف سے اقتدار پر قبضہ اور مارشل لاء کے نفاذ کے حوالے سے سے کہنا تھا کہ ذوالفقار بھٹو شہید کی زیر قیادت پاکستان تیز رفتاری سے ترقی کی منزلیں طے کر رہا تھا۔
واضح رہے کہ پانچ جولائی سنہ 1977 کو فوجی جنرل ضیاالحق نے ذوالفقار علی بھٹو کی حکومت کا تختہ الٹ کر اقتدار پر قبضہ کر لیا تھا۔پاکستان پیپلز پارٹی ذوالفقار علی بھٹو کی حکومت کا تختہ الٹنے کے دن کو یوم سیاہ کی طور پر منارہی ہے۔
تبصرے بند ہیں.