اسلام آباد: چیئرمین پی ٹی آئی عمران خان کی آج پھر 5 مقدمات میں انسداد دہشتگردی عدالت پیشی ہو گی ،ان کیسز میں جج تبدیل ہوگئے تھے۔
آج ہی چیئرمین پاکستان تحریک انصاف کی اسلام آباد ہائی کورٹ میں منگل کو 8 مختلف کیسز میں حفاظتی ضمانت ک درخواست پر سماعت کا بھی امکان ہے۔
آج اسلام آباد کی انسداد دہشتگردی کی خصوصی عدالت میں پاکستان تحریک انصاف کے سابق سیکرٹری جنرل اسد عمر کی بھی پیشی ہے۔
ذرائع کے مطابق پارٹی عہدہ چھوڑنے کے بعد اسد عمر کا آج عدالتی احاطے میں اپنے سابق کپتان کے ساتھ آمنا سامنا ہونے کا بھی امکان ہے۔
سابق وزیراعظم عمران خان کی گزشتہ روز پیر کو 11 مختلف کیسز میں ضمانت ہوئی ہے جب کہ آج مزید کیسز کی سماعت ہونی ہے۔
بقول چیئرمین پی ٹی آئی ان کےخلاف مقدمات کی تعداد176 ہو چکی ہے تاہم ابھی تک وہ صرف القادرٹرسٹ کیس میں ہی گرفتار ہوئے ہیں جسے دوسرے ہی دن سپریم کورٹ نے غیر قانونی قرار دے دیا تھا۔
تبصرے بند ہیں.