اسلام آباد: ٹوئٹر کی مقبولیت کم، تھریڈز کی بڑھنے لگی، مالک ایلون مسک کی زکر برگ کو گالیاں، میڈیا رپورٹس کے مطابق تھریڈز کی زبردست کامیابی کے بعد ٹوئٹر کے جھلائے ہوئے مالک ایلون مسک گالیوں پر اتر آئے ہیں.
انہوں نے میٹا سربراہ کو ایک ناقابل بیان مقابلے کا چیلنج دیا ہے، میٹا چیف مارک زکر برگ کی نئی ایپلی کیشن ”تھریڈز“ پچھلے ہفتے لانچ ہوئی تھی اور اتنے کم عرصے میں اس کے صارفین کی تعداد دس کروڑ سے تجاوز کر گئی ہے۔
رپورٹس کے مطابق زکر برگ کے ایک ٹوئٹ کے جواب میں ایلون مسک نے انہیں ایک انتہائی نامناسب لقب سے نوازا، ٹوئٹر کے تقریباً 250 ملین فعال صارفین ہیں لیکن جب سے اسپیس ایکس اور ٹیسلا کے بانی ایلون مسک نے اسے 44 بلین ڈالراز میں خریدا ہے.
یہ پلیٹ فارم مسلسل تنازعات اور تکنیکی مسائل کی زد میں ہے، انٹرنیٹ سروسز کمپنی کلاؤڈ فلیئر کے چیف کے مطابق ٹوئٹر کا ویب سائٹ ٹریفک بھی ڈوب رہا ہے.
دوسری طرف صارفین تھریڈز ، بلیو اسکائی اور ماسٹوڈن جیسے متبادل پلیٹ فارمز جیسے کی جانب راغب ہو رہے ہیں۔
بتایا گیا ہے کہ اس سے قبل ایلون مسک، مارک زکربرگ کو مکسڈ مارشل آرٹس میچ کی پیشکش بھی کرچکے ہیں۔
تبصرے بند ہیں.