اسلام آباد: آئی ایم ایم کے ایگزیکٹو بورڈ کے اجلاس سے پاکستان کےلئے اچھی خبر آگئی اور آئی ایم ایف نے پاکستان کےلئے 3 ارب ڈالرسٹینڈ بائی ارینجمنٹ معاہدہ کی منظوری دیدی ہے۔
آئی ایم ایف کی طرف اعلامیہ میں کہا گیاہے کہ آئی ایم ایف ایگزیکٹو بورڈ نے پاکستان کے لیے تین ارب ڈالر سٹینڈ بائی ارینجمنٹ معاہدے کی منظوری دے دی ہے۔
اعلامیہ میں کہا گیاہے کہ پاکستان کوآئی ایم ایف فوری طور پر 1.2 ارب ڈالر ریلیز کرے گا اور باقی رقم 2 سہ ماہی میں نظر ثانی کے بعد جاری کی جائے گی۔
آئی ایم ایف اعلامیہ کے مطابق9مہینوں پر محیط اس پروگرام کا مقصد پاکستان میں اقتصادی استحکام کو فروغ دینا ہے۔
اس کے ساتھ ساتھ آئی ایم ایف نے کہا ہے پاکستان کے لیے یہ معاہدہ ایک ایسے وقت میں ہوا ہے جب مشکل بیرونی ماحول، تباہ کن سیلاب اور پالیسیوں میں نقائص کی وجہ سے پاکستان کا مالیاتی اور بیرونی خسارہ اور مہنگائی بڑھی ہے اور مالی سال 23-2022 میں مالیاتی ذخائر کم ہوئے ہیں۔
آئی ایم ایف کی جانب سے کہا گیا ہے پاکستان مقرر کردہ اہداف پورے کرے گا امید ظاہر کی گئی ہے مالیاتی مسائل کم ہوں گے۔
تبصرے بند ہیں.