پشاور: تحریک انصاف سے نکالے گئے سابق وزیراعلیٰ پرویز خٹک نے پی ٹی آئی پارلیمنٹیرینز کے نام سے نئی سیاسی جماعت بنا لی،باقاعدہ اعلان کرتے ہوئے پرویز خٹک نے دعویٰ کیا ہے کہ ان کے ساتھ تحریک انصاف کے کئی سینئر رہنما بھی آ جائیں گے۔
پی ٹی آئی سے منحرف وزیر پرویز خٹک نے کے مطابق سابق وزیراعلیٰ کے پی محمود خان بھی ان کی پارٹی کا حصہ ہوں گے،سابق ارکان اسمبلی اور رہنماؤں سمیت سابق وزیراعلیٰ محمود خان نے بھی شمولیت پر رضامندی ظاہر کردی۔
پرویز خٹک نے آج پی ٹی آئی پارلیمینٹرینز کے نام سے نئی پارٹی کا باقاعدہ اعلان کیا ہے، جس میں ان کے مطابق 57 سابق ارکان اسمبلی نے شمولیت کا اعلان کیا ہے۔
نئی پارٹی جن رہنماوں کی حمایت کا دعویٰ کیا گیا ہے ان میں سابق ارکان اسمبلی میں اشتیاق ارمڑ، ضیا اللہ، غزن جمال، پیر فدا، آغاز گنڈاپور، احتشام جاوید، احمد حسین، فلک ناز، ابراہیم خٹک، وِلسن وزیر، ملک واجد، ارباب وسیم، شوکت علی، محب اللہ، اقبال وزیر، انور زیب، ظہورشاکر، عمران خٹک، مصورخان، شیر اکبر، صالح محمد، ندیم خیال، یعقوب شیخ، وزیر زادہ، عزیز اللہ گران، فضل مولا اور دیگر شامل ہیں۔
دریں اثنا نئی پارٹی کے لیے پی ٹی آئی رہنما و سابق صوبائی وزیر ہشام انعام اللہ نے پرویز خٹک سے ملاقات کی اور توقع کی جارہی ہے کہ وہ بھی نئی جماعت کا حصہ بن جائیں گے۔
تبصرے بند ہیں.