گال: گال ٹیسٹ، سری لنکا 312 پر آوٹ، پاکستان کے5 وکٹوں کے نقصان پر 221 رنز سری لنکا کے خلاف پہلے ٹیسٹ میں کپتان بابراعظم چلے امام نہ سابق کپتان سرفراز احمد۔
سری لنکا کو دوسرے دن جلد آوٹ کرنے کے بعد آغاز ہوتے ہی پاکستان کا ٹاپ آرڈر فلاپ ہوگیا اور 101 رنز پر آدھی ٹیم پویلین لوٹ گئی، تاہم سلمان آغا اور سعود شکیل نے مکمل تباہی سے بچا لیا۔
اوپنرامام الحق اور عبد اللہ شفیق زیادہ دیر نہ ٹھہر سکی ،امام الحق دوسرے اوور میں صرف ایک رن پر ہی پویلین لوٹ گئے،عبد اللہ شفیق 19 رنز پر پربتھ جے سوریا کی گیند پردھننجیا ڈی سلوا کو کیچ دے بیٹھے۔
پاکستان کے تیسرے آوٹ ہونے والے شان مسعود 30 گیندوں پر 39 رنز بناکر رمیش مینڈس کا شکاربنے ، کپتان بابراعظم بھی پربتھ جے سوریا کی گیند پر صرف 13 رنز پر سدیرا سمارا وکرما کو کیچ دےبیٹھے، وکٹ کیپرسرفراز احمد نے 15 گیندوں پر 17 رنز بنا کرآوٹ ہوئے۔
پہلے ٹیسٹ کے دوسرے روز جب بارش کے باعث کھیل ہوا تو سعود شکیل 69 اور آغا سلمان 61 رنز بناکر کریز پر موجود تھے۔ دونوں کے درمیان چھٹی وکٹ پر 160 رنز کی شراکت داری قائم ہوچکی ہے۔
دوسرے روز کھیل کا آغاز سری لنکا نے 6 وکٹوں کے نقصان پر 242 رنز سے کیا،دوسرے روز سری لنکا کی جانب سے اننگز کا آغاز دھننجیا ڈی سلوا اور رمیش مینڈس نے کیا۔
رمیش مینڈس 40 گیندوں پر 5 رنز بنا کر ابرار احمد کا شکار ہوگئے، فاسٹ بولر نسیم شاہ نے دھننجیا ڈی سلوا کو 122 رنز جبکہ رمیش مینڈس کو صرف 4 رنز پر پویلین بھیجا، کوسن رجیتھا بھی صرف 8 رنز پر ابرار احمد کی گیند پر عبد اللہ شفیق کو کیچ دے بیٹھے۔
ڈی سلوا نے 214 گیندوں پر 122 رنز کی ذمہ دارانہ اننگز کھیلی، یوں پہلی اننگز میں سری لنکن ٹیم 312 رنز بنانے میں کامیاب رہی۔
گال ٹیسٹ پہلے روزسری لنکن کپتان دیموتھ کرونا رتنے نے ٹاس جیت کر پہلے بیٹنگ کا فیصلہ کیا تھا، پہلے روز کے کھیل کے اختتام پر سری لنکا نے 6 وکٹوں کے نقصان پر 242 رنز اسکور کیے تھے۔
مڈل آرڈر بیٹر دھننجایا ڈی سلوا اور تجربہ کار کھلاڑی اینجلو میتھیوز نے شاندار کھیل کا مظاہرہ کیا، 2 مرتبہ بارش سے متاثر ہونے کے سبب پہلے روز 65 اعشاریہ 4 اوورز کا کھیل ہو سکا تھا۔
پاکستان کی جانب سے شاہین شاہ آفریدی اور ابرار نے 3،3 وکٹیں حاصل کیں نسیم شاہ، آغا سلمان نے ایک، ایک کھلاڑی کو آؤٹ کیا تھا، دوسرا ٹیسٹ میچ 24 جولائی سے کولمبو میں کھیلا جائے گا۔
تبصرے بند ہیں.