پرویز خٹک کی پارٹی میں 50 رہنما شامل نہیں ہوئے ،خود بیٹے نے تردید کردی

فوٹو: فائل

اسلام آباد: پرویز خٹک کی پارٹی میں 50 رہنما شامل نہیں ہوئے ،خود بیٹے نے تردید کردی، تحریک انصاف کی مخالفت میں سرکار کی سربراہی میں کیا گیا پراپیگنڈا جھوٹ ثابت ہوا، حکومتی میڈیا نے شمولیت کو ضرب لگا کر ففٹی کر دی تھی.

پی ٹی آئی مخالف پراپیگنڈا مہم چلانے والوں نے 50 ارکان اسمبلی کی شمولیت کی داستان رقم کی تھی شام تک ارکان کی تردیدیں آتی رہیں تنگ آکر سابق وزیراعلیٰ پرویز خٹک کے صاحبزادے کو وضاحت جاری کرنا پڑی.

پاکستان تحریک انصاف پارلیمنٹیرینز کے سربراہ پرویز خٹک کے بیٹے نے سوشل میڈیا پر پارٹی ارکان سے متعلق لسٹ کو جعلی قرار دے دیا ہے۔

اسحاق خٹک نےٹوئٹر پر جاری بیان میں کہا ہےکہ گزشتہ روز پی ٹی آئی پارلیمنٹیرینز کا پہلا مشاورتی اجلاس تھا جس میں سیاسی صورتحال پر تبادلہ خیال کیا گیا۔

آج پاکستان تحریک انصاف پارلیمنٹیرینز کا پہلا اجلاس تھا۔ سوشل میڈیا پر وائرل لسٹ میں کوئی صداقت نہیں یہ ایک مکمل طور پر فیک لسٹ ہے۔ اگلے اجلاس میں مکمل لسٹ جاری کرونگا۔#PervezKhattak #PTIParliamentarians pic.twitter.com/CaVFpDDfiS

— Ishaq Khattak (@IshaqkhattakPK) July 18, 2023

اسحاق خٹک نے کہا کہ سوشل میڈیا پر پارٹی ارکان سے متعلق لسٹ میں صداقت نہیں، وائرل لسٹ مکمل طور پر فیک ہے، پرویز خٹک اگلے اجلاس میں تمام پارٹی ممبران کی لسٹ جاری کریں گے۔

میڈیا نے پی ٹی آئی پارلیمنٹیرینز بنانے کا اعلان کیا ہے جس میں سابق وزیراعلیٰ کےپی محمودخان، سابق وزرا اوردرجنوں ارکان، گزشتہ حکومت سے وابستہ 57 سے زائد اراکین اسمبلی کے شامل ہونے دعویٰ کیا گیا تھا۔

جن رہنماؤں نے پرویز خٹک کی پارٹی میں شمولیت کی تردید کی ہے ان میں کے پی اسمبلی کے اسپیکر مشتاق غنی، سابق معاون خصوصی اقلیتی امور وزیرزادہ، سابق ارکان صوبائی اسمبلی اعظم خان، قلندر لودھی، افتخار مشوانی، عزیزاللہ گران اور مصور خان شامل ہیں.