فوٹو: پی سی بی
گال: گال، پہلا ٹیسٹ میچ ، پاکستان نے سری لنکا کو 4 وکٹوں سے شکست دے دی ، کھیل کے آخری روز مزید 3 وکٹیں گریں، امام الحق 50 رنزبنا کر ناٹ آؤٹ ے.
قومی ٹیم کی جانب سے امام الحق 50 اور آغا سلمان 6 رنز بناکر ناٹ آؤٹ رہے، آخری روزجیت کے لیے 83 رنز درکار تھے اور کریز پر امام الحق اور کپتان بابر اعظم موجود تھے۔
بابر اعظم 24 رنز بناکر برباتھ جے سوریا کا شکار بنے، بعدازاں سعود شکیل 30 اور سرفراز احمد ایک رن بناکر پویلین لوٹ گئے۔
میزبان سری لنکا کی جانب سے پرباتھ جے سوریا نے 4 اور رمیش مینڈس نے 1 کھلاڑی کو آؤٹ کیا، پہلی اننگز میں ڈبل سنچری بنانے والے سعود شکیل پلیئر آف دی میچ قرار دیا گیا.
-
Pakistan begin their ICC World Test Championship 2023-25 campaign with a
-wicket win against Sri Lanka
#SLvPAK pic.twitter.com/4e1fTNh3BS
— Pakistan Cricket (@TheRealPCB) July 20, 2023
چوتھے روز سری لنکا کیخلاف پہلا ٹیسٹ دلچسب مرحلے میں داخل، پاکستان کو83 رنز لنکن کو 7 وکٹیں درکار ہیں،چوتھے روز کے کھیل کے اختتام پر پاکستان نے 131 رنز کے ہدف کے تعاقب میں 3 وکٹوں کے نقصان پر 48 رنز بنالیے۔
گال ٹیسٹ کے میں سری لنکا کے 131 رنز کے ہدف کے تعاقب میں پاکستان کی جانب سے دوسری اننگز کا آغاز مایوس کن رہا اورابتدا میں ہی عبداللہ شفیق 8، شان مسعود 7 اور نعمان علی بغیر کوئی رن بنائے آؤٹ ہوئے۔
چوتھے روز کے کھیل کے اختتام پر پاکستان نے 3 وکٹوں کے نقصان پر48 رنزبنائےہیں ،جیت کیلئے 83 رنز درکار ہیں اور 7 وکٹیں ابھی باقی ہیں۔
کپتان بابراعظم 6 اور امام الحق 25 رنز کے ساتھ وکٹ پرموجود ہیں،سری لنکا کی طرف سے پراباتھ جے سوریا نے 2 وکٹیں حاصل کیں۔
اس سے قبل سری لنکن ٹیم کی اپنی دوسری اننگز میں 279 رنز بنا کر آؤٹ ہو گئی اور میزبان ٹیم نے گرین کیپس کو جیت کے لیے 131 رنز کا ہدف دیا۔
سری لنکا کی جانب سے دھننجیا ڈی سلوا 82 رنز بناکر نمایاں رہے جبکہ نشان مدوشکا نے 52 اور رمیش مینڈس نے 42 رنز کی اننگز کھیلیں۔
دنیش چندیمل نے 28 رنز کی اننگز کھیلی جبکہ دیموتھ کرونا رتنے نے 20 اور کوشال مینڈس نے 18رنز بناکر آؤٹ ہوئے۔
پاکستان کی جانب سے نعمان علی اور ابراراحمدنے3،3 وکٹیں حاصل کیں جبکہ شاہین آفریدی اور سلمان آغاز نے 2،2 کھلاڑیوں کوآؤٹ کیا۔
گال ٹیسٹ کے تیسرے روز پاکستان نے پہلی اننگز میں 461 رنز بناکر 149 رنز کی برتری حاصل کرتے ہوئے اپنی گرفت مضبوط کرلی تھی۔
سری لنکا کے 312 رنزکے جواب میں قومی ٹیم نے 461 رنز بنائے، سعود شکیل نے پہلے آغا سلمان کے 177 رنز جوڑے پھر نویں وکٹ پر نسیم شاہ کے ساتھ 94 قیمتی رنز کا اضافہ کیا، وہ 208 رنز بناکر ناٹ آؤٹ رہے۔
کھیل کے تیسرے روز سعود شکیل نے شاندار ڈبل سنچری اسکور کی تھی جبکہ سلمان علی آغا 83 رنز بناکر پویلین لوٹے، سعود شکیل سری لنکا میں ڈبل سنچری کرنے والے پہلے پاکستانی بیٹر بن گئے ہیں۔
کھیل کا دوسرا روزسری لنکن اننگز
ٹیسٹ کے دوسرے دن کھیل کا آغاز ہوا تو سری لنکا نے اسکور میں 70 رنز کا اضافہ کیا، سری لنکن ٹیم پہلی اننگز میں 312رنز بنا کر آؤٹ ہوگئی تھی ۔
پاکستان کی جانب سے شاہین آفریدی ، نسیم شاہ اور ابرار احمد نے تین تین جب کہ آغا سلمان نے ایک وکٹ لی۔
پاکستان کی اننگز
دوسری جانب پاکستان کی اننگز کا آغاز کچھ اچھا نہیں رہا، عبداللہ شفیق 19 ، امام الحق 1، کپتان بابر اعظم 13 اور سرفراز احمد صرف 17 رنز ہی بنا پائے اور شان مسعود نے 39 رنز اسکور کیے ، بعدازاں سعود شکیل اور آغا سلمان نے ذمہ دارانہ بیٹنگ کا مظاہرہ کیا اور ٹیم کی لڑکھڑاتی بیٹنگ کو سہارا دیا۔
کھیل کا پہلا روز
گال میں ہونے والے ٹیسٹ میچ میں سری لنکن کپتان دیموتھ کرونا رتنے نے ٹاس جیت کر پہلے بیٹنگ کا فیصلہ کیا تھا، پہلے روز کے کھیل کے اختتام پر سری لنکا نے 6 وکٹوں کے نقصان پر 242 رنز اسکور کیے تھے۔
کھیل کے پہلے روز پاکستان کی جانب سے شاہین شاہ آفریدی نے 3 جبکہ نسیم شاہ، ابرار احمد اور آغا سلمان نے ایک، ایک کھلاڑی کو آؤٹ کیا تھا۔
تبصرے بند ہیں.