فوٹو : ٹوئٹر بی سی سی آئی
کولمبو: پاکستان نے بھارت کو فائنل میں آن دبوچا ،128 رنز سے ہرا کر ایمرجنگ ایشیا کپ جیت لیا ، بھارتی ٹیم پاکستان کے353 رنز کے تعاقب میں 224 رنز پر آؤٹ ہو گئی.
بھارت کے25 اوررز میں 158 رنز 5 آوٹ ہو گئے تھے پھر وقفہ وقفہ سے وکٹیں گرتی رہیں، ایمرجنگ ایشیا کپ فائنل میں شروع سے آخر تک پاکستان کا پلڑا بھاری رہا.
سدھارسن 29 جوز 11، ابھیشک 61 یش دھل 39، سندھو 11 دھریو 9، ریان پراگ 14، رانا 13رنز بنا کر آؤٹ ہوئے، کوئی انڈین پاکستانی باولنگ کا جم کر مقابلہ نہ کر سکا.
پاکستان کی طرف سے سفیان مقیم نے 3، مہران ممتاز نے 2، ارشد اقبال 3 محمد وسیم نے 2 اور مبصر نے ایک وکٹ حاصل کی.
پاکستانی شاہینوں نے شاندار بیٹنگ کی، طیب طاہر نے 71 گیندوں پر 108 رنز کی دھواں دھار اننگز کھیلی، صاحبزادہ فرحان نے 65 اور صائم ایوب نے 59 رنز بنائے.
A comprehensive all-round performance in the final 🙌
Congratulations boys on the title triumph 👏#ACCMensEmergingTeamsAsiaCup | #BackTheBoysInGreen pic.twitter.com/qEzRipVD8H
— Pakistan Cricket (@TheRealPCB) July 23, 2023
ایمرجنگ ایشیا کپ کے فائنل میں پاکستان شاہینز نے بھارت اے کو جیت کے لیے 353 رنز کا ہدف دیا، پاکستان نے شروع سے آخر تک دباؤ برقرار رکھا.
ایمرجنگ ایشیا کپ کا فائنل سری لنکا کے شہر کولمبو میں کھیلا جارہا ہے جہاں بھارتی کپتان یش دُھل نے ٹاس جیتا اور پاکستان کو بیٹنگ کی دعوت دی۔
پاکستانی اوپنرز نے اپنی ٹیم کو شاندار آغاز فراہم کیا، صائم 18ویں اوور کی دوسری گیند پر 59 رنز بناکر آؤٹ ہوئے جبکہ صاحبزادہ فرحان کو 22 ویں اوور کی پہلی گیند پر رن آؤٹ کر دیا۔
عمیر یوسف کو ریان پراگ نے آؤٹ کیا، جب کہ اگلی ہی گیند پر پراگ نے نئے آنے والے بلے باز قاسم اکرم کو آؤٹ کردیا۔ اس کے فوراً بعد محمد حارث کو بھی نشات سندھو نے آؤٹ کیا۔
اس کے بعد طیب طاہر نے جارحانہ بیٹنگ کا مظاہرہ کرتے ہوئے 71 گیندوں پر 108 رنز کی اننگز کھیلی جبکہ مبصر خان نے بھی 35 رنز اسکور کیے۔ پاکستان شاہینز نے مقررہ 50 اوورز میں 8 وکٹوں کے نقصان پر 352 رنز اسکور کیے۔
واضح رہے فائنل کی ٹیم میں کپتان محمد حارث سمیت صائم ایوب، صاحبزادہ فرحان، عمیر بن یوسف، طیب طاہر، قاسم اکرم ، مبصر خان، محمد وسیم جونیئر، مہران ممتاز ، ارشد اقبال اور صفیان مقیم شامل ہیں۔
تبصرے بند ہیں.