اسلام آباد: حکومت نے اے ٹی ایم استعمال اور گاڑیوں پر ٹیکسز کی شرح میں تبدیلی کردی، نان ایکٹو ٹیکس فائلرزکے لیے ودہولڈنگ ٹیکس کی شرح بھی تبدیل ہو گئی۔
حکومتی فیصلے کے بعد فیڈرل بورڈ آف ریونیو نے تفصیلات بتا دی ہیں جس کے مطابق نان ایکٹیو ٹیکس فائلر پر ایک دن میں 50 ہزار 500 روپے نکلوانے پر303 روپےٹیکس لگےگا.
اس سےزائداور 55 ہزار سےکم رقم نکلوانے والے نان ایکٹیو ٹیکس فائلرپر330روپےٹیکس لگےگا، ایف بی آر کے مطابق 55 ہزار سے 75 ہزار روپے تک ایک دن میں بینک سے رقم نکلوانے والوں پر450 روپےٹیکس لگےگا۔
ایف بی آر کے مطابق 2125 سی سی گاڑی پر 6 فیصد کی شرح سے ٹیکس عائد ہو گا اور 2501 سے 3 ہزار سی سی انجن والی گاڑی پر 8 فیصد کی شرح سے ٹیکس لگےگا جب کہ 3001 سی سی گاڑیوں پر 10 فیصد کی شرح سے ٹیکس عائد ہو گا۔
ایف بی آر کا کہنا ہےکہ حکومتی ادارے اورپاکستان میں مقیم غیر ملکی سفارت کار اس ٹیکس سےمستثنیٰ ہوں گے، نان رہائشی پاکستانیوں کے لیے اے ٹی ایم یا ڈیبٹ کارڈ سے ادائیگی پر ٹیکس کی شرح 5 فیصد کردی گئی ہے۔
واضح رہے کہ ایک بار پھر ٹیکسز کی شرح کا بوجھ عام آدمی پر ڈالا گیا ہے اور سرکاری محکموں کو چھوٹ دی گئی، مفت پٹرول، مفت بجلی، مفت گیس، مفت ٹیلی-فون لے کر سرکاری ادارے ملکی معیشت کا بیڑا غرق کرنے میں پیش پیش ہیں.
تبصرے بند ہیں.