ابوظہبی: وزیراعظم شہباز شریف کی ابوظہبی میں متحدہ امارات کے صدر سے ملاقات ہوئی ہے جس میں انہوں نے اماراتی صدر کے بھائی نے انتقال ہپر اظہار تعزیت کی ہے۔
وزیر اعظم شہباز شریف کا کہنا تھا کہ پاکستان اور یو اے ای کے مابین مشترکہ عقیدے اور بھائی چارے کی بنیاد پر مضبوط تعلقات قائم ہیں۔
وزیراعظم شہباز شریف متحدہ عرب امارات کے دورے پر ہیں۔ وزیراعظم شہباز شریف کی ابوظہبی محل آمد ہوئی جہاں اماراتی صدر شیخ محمد بن زاید النہیان نے وزیراعظم کا محل پہنچنے پر گرمجوشی سے استقبال کیا۔
ملاقات میں وزیراعظم نے اماراتی صدر سے ان کے بھائی کے انتقال پر دِلی رنج و غم کا اظہار کیا ۔ وزیراعظم نے صدر یو اے ای کے بھائی کے انتقال پر پوری پاکستانی قوم کی جانب سے افسوس کا اظہار کیا۔
اس موقع پر وزیراعظم شہباز شریف نے کہا کہ پاکستان اور یو اے ای کے مابین مشترکہ عقیدے اور بھائی چارے کی بنیاد پر مضبوط تعلقات قائم ہیں۔ جس پر یو اے ای کے صدر نے شہباز شریف کے دورے پر ان کا شکریہ ادا کیا.
یو اے ای کے صدر کا پاکستان اور متحدہ عرب امارات کے مابین مضبوط سفارتی تعلقات کا بھی ذکر کیا۔ ملاقات میں اسحاق ڈار اور طارق فاطمی بھی موجود تھے۔
اس سے پہلے متحدہ عرب امارت پہنچنے پر پاکستان کے یو اے ای میں سفیر، اعلی اماراتی حکام اور پاکستانی سفارتی اہلکاروں نے وزیراعظم کا استقبال کیا۔
تبصرے بند ہیں.