کراچی: ایک شادی کروں یا 4، میری مرضی، تیسرے شوہر سے خُلع پر صنم ماروی کاردعمل، معروف گلوکارہ صنم ماروی نے تیسرے شوہر سے بھی علیحدگی اختیار کرلی ہے۔
اس حوالے سے میڈیا رپورٹس کے مطابق گلوکارہ صنم ماروی نے تیسرے شوہر حبیب قریشی سے خفیہ نکاح کیا تھا۔ لاہور کی مقامی عدالت نے خلع کی ڈگری 7 جولائی کو جاری کی۔
واضح رہے اس سے قبل صنم ماروی نے دوسرے شوہر حامد علی بہلوال سے تشدد کا الزام لگا کر خلع لی تھی، دوسرے شوہرسے صنم ماروی کے 3 بچے ہیں۔
ان کی پہلی شادی آفتاب احمد سے ہوئی تھی جن کا 2009 میں کراچی میں قتل ہو گیا تھا، یوں وہ یکے بعد دیگرے تین شادیاں کرچکی ہیں.
رپورٹ کے مطابق گلوکارہ صنم ماروی نے علیحدگی کے معاملے پر مؤقف دینے سے انکار کردیا اور کہاکہ میں ایک شادی کروں یا چار، یہ میری مرضی ہے.
تبصرے بند ہیں.