اسلام آباد: وزیراعظم نے میڈیا پر کئی دن شور مچنے پر بالآخر 14سالہ بچی پر تشدد کا نوٹس لے لیا، وزیر اعلی پنجاب سے رپورٹ طلب کر لی ہے۔ وزیراعظم نے متاثرہ بچی کے والدین کو انصاف کی فراہمی کی یقین دہانی کروائی ہے۔
وزیراعظم شہباز شریف نے وزیر اعلی پنجاب محسن نقوی کو بچی کے علاج کی بہترین سہولیات کی فراہمی کی ہدایت کرتے ہوئے کہا ہے کہ بچی کی زندگی بچانے اور صحت یابی کے لئے پوری کوشش کی جائے،مظلوم بچی کو انصاف کی فراہمی یقینی بنائی جائے.
وزیراعظم نے ہدایت کی کہ ملزم کون ہے، اسے خاطر میں نہ لایا جائے، انصاف کی فراہمی یقینی بنائی جائے۔ قانون پر عملدرآمد یقینی بنایا جائے، ظالم اور قانون شکن رعایت کے مستحق نہیں۔
پولیس کسی دباؤ کو خاطر میں لائے بغیر قانون پر سختی سے عمل کرے، وزیراعظم کا کہنا تھا کہ معاشرہ ایسی اندھیرنگری اور ظلم وجبر کا متحمل نہیں ہوسکتا۔ وزیراعظم نے متاثرہ بچی کے والدین کو انصاف کی فراہمی کی یقین دہانی کروائی ہے۔
تبصرے بند ہیں.