فوٹو : سکرین گریب
اسلام آباد : وزیراعظم محمد شہباز شریف سے چین کے سفیر جیانگ زیڈونگ کی ملاقات ہوئی ہے، پاکستان میں تعینات چین کے سفیر جیانگ زیڈونگ کی ملاقات وزیراعظم ہاؤس میں ہوئی۔
اسلام آباد میں ہونے والی اس ملاقات میں دونوں ممالک کے درمیان اقتصادی اور سیکیورٹی تعاون سے متعلق امور پر تبادلہء خیال کیا گیا۔
وزیراعظم نے چینی سفیر کو سال نو کی مبارکباد دی اور نئے سال کی تقریبات میں چینی قیادت کے ساتھ ساتھ چین کے برادر عوام بشمول پاکستان میں مقیم تمام چینی شہریوں کے لیے نیک خواہشات کا اظہار کیا۔
انہوں نے امید ظاہر کی کہ نیا سال پاکستان اور چین کے درمیان دوستی کے رشتے کو مزید مضبوط کرے گا اور دونوں ممالک کے عوام کے لیے خوشحالی لائے گا۔
اس موقع پر چین کے سفیر جیانگ زیڈونگ
نے نیک تمناؤں کا اظہار کرنے پر وزیراعظم اور پاکستانی عوام کا شکریہ ادا کیا۔
تبصرے بند ہیں.