فوٹو : فائل
اسلام آباد : بانی پی ٹی آئی عمران خان کی گرفتاری پر احتجاج کرنے والے 10 مجرمان کی سزا معطل، رہائی کا حکم دے دیا گیا، اسلام آباد ہائیکورٹ نے مجرمان کی ضمانت منظور کرتے ہوئے 25 ہزار روپے کے مچلکوں کے عوض رہا کرنے کا حکم دیا.
عمران خان کی گرفتاری پر احتجاج کرنے والے ان افراد پر 10 مئی 2023 کو مقدمہ درج ہوا تھا اور انسدادِ دہشت گردی عدالت نے 22 نومبر 2024 کو ملزمان کو مجموعی طور پر 5 سال 10 ماہ قید کی سزا سنائی تھی.
اسلام آباد ہائیکورٹ کے جسٹس محسن اختر کیانی اور جسٹس سردار اعجاز اسحاق خان نے سزا معطلی آرڈر جاری کر دیا، فیصلہ میں کہا گیا ہے کہ ایف آئی آر کے مطابق ملزمان پر فیض آباد میں پولیس پر حملے اور پولیس چوکی جلانے کا الزام ہے.
تحریری فیصلہ میں کہا گیا ہے کہ ریکارڈ کے مطابق کوئی ایک بھی ملزم جائے وقوعہ سے گرفتار نہیں کیا گیا، وکیل کے مطابق دہشتگردی کی دفعات سے بری کر دیا گیا اور چھوٹی سزائیں دی گئیں.
اسلام آباد ہائیکورٹ کا تحریری فیصلہ اپیل کنندگان کے وکیل نے سزائیں معطل کرنے کی استدعا کی، پراسیکیوٹر کے مطابق ٹرائل کورٹ نے سی سی ٹی وی اور دیگر شواہد کی بنیاد پر سزا سنائی.
پراسیکیوٹر نے مجرمان کی سزا معطل کرنے کی وکیل کی استدعا کی مخالفت کی، چارج شیٹ کے مطابق سزا پانے والے دس میں سے پانچ مجرمان افغان شہری ہیں.
تحریری فیصلہ میں ملزمان اپنی شہریت کی تصدیق کیلئے اصل شناختی کارڈز ڈپٹی رجسٹرار کو جمع کرانے کا حکم دیا گیا ہےافغان شہری ہونے کی صورت میں ڈپٹی رجسٹرار شناخت کے دستاویزات اپنے پاس رکھ لیں.
اسلام آباد ہائیکورٹ کے تحریری فیصلہ میں کہا گیا ہے کہ تمام اپیل کنندگان کو ہر سماعت پر عدالت کے سامنے پیش ہونے کا حکم دیا جاتا ہے.
تبصرے بند ہیں.