پاکستان اور بھارت جب بھی کھیلتے ہیں تو جذبات بہت زیادہ ہو جاتے ہیں، گوتم گمبھیر

فوٹو: فائل

لاہور:بھارت کی کرکٹ ٹیم کے ہیڈ کوچ گوتھم گمبھیر نے آئی سی سی چیمپئنز ٹرافی میں پاکستان اور بھارت کے میچ کو زیادہ اہم قرار نہیں دیاجاسکتا۔

بھارتی کرکٹ بورڈ کے ایوارڈز کی تقریب کے موقع پر گفتگو کرتے ہوئے گوتم گمبھیر نے کہا دبئی میں مشن چیمپئنز ٹرافی کی جیت ہے صرف ایک میچ مشن نہیں ہے۔

انھوں نے کہا ہم چیمپئنز ٹرافی میں یہ سوچ کر نہیں جا رہے کہ 23 فروری کو سب سے اہم میچ ہے۔

انہوں نے کہا کہ میں سمجھتا ہوں پانچوں میچز بڑے اہم ہیں، دبئی میں ہمارا مشن چیمپئنز ٹرافی جیتنا ہے، ہمارا مشن صرف ایک میچ نہیں ہے۔

 گوتم گمبھیر نے کہا کہ  پاکستان اور بھارت جب بھی کھیلتے ہیں تو جذبات بہت زیادہ ہو جاتے ہیں، گوتم گمبھیر کا کہنا تھا جذبات اپنی جگہ لیکن مقابلہ ہمیشہ وہیں رہتا ہے۔ 

گوتم گمبھیر نے کہا کہ ورلڈ کپ کے مقابلے میں چیمپئنز ٹرافی مختلف چیلنج ہے، ہر میچ اہمیت کا حامل ہوتا ہے۔

بھارتی ہیڈ کوچ نے کہا کہ روہت شرما اور ویرات کوہلی ڈریسنگ روم اور بھارتی کرکٹ کی ویلیو میں اضافہ کریں گے اور دونوں کا چیمپئنز ٹرافی میں بڑا کردار ہوگا۔