اسلام آباد ہائیکورٹ میں آئندہ ہفتہ کی کاز لسٹ، لاہور سے آئے جسٹس سرفراز پیونی جج کے مخصوص بنچ میں شامل

فوٹو : فائل

اسلام آباد : اسلام آباد ہائیکورٹ میں آئندہ ہفتہ کی کاز لسٹ، لاہور سے آئے جسٹس سرفراز پیونی جج کے مخصوص بنچ میں شامل،آباد ہائیکورٹ کے رجسٹرار نے آئندہ ہفتے کا روسٹر جاری کر دیا گیا۔

جسٹس محسن اختر کیانی کل سے اسلام آباد ہائیکورٹ کے بنچ نمبر 2 کی بجائے بینچ نمبر 3 کی سربراہی کریں گے، چیف جسٹس اسلام آباد ہائیکورٹ جسٹس عامر فارق نے خط لکھنے والے پانچ ساتھی ججوں کی رائے سے اتفاق نہ کیا۔

اسلام آباد ہائیکورٹ کے ججز کے خط میں دیگر صوبوں سے ججز اسلام آباد تبدیل نہ کرنے کے مطالبہ کے باوجود سندھ، لاہور اور بلوچستان ہائیکورٹ سے 3 ججز کا اسلام آباد ہائیکورٹ میں تبادلہ کیا گیا.

اب نئی کاز لسٹ میں پیونی جج کیلئے مخصوص بنچ نمبر 2 میں جسٹس محسن کیانی کی جگہ لاہور ہائیکورٹ سے تبدیل ہو کر آنے والے جسٹس سرفراز ڈوگرہ شامل کئے گئے ہیں.

تبدیل ہو اسلام آباد ہائیکورٹ میں آنے والے تینوں ججز کا نام نئے ہفتے کی کاز لسٹ میں شامل کر لیا گیا۔ نئی کاز لسٹ کے مطابق اس سے پہلے بینچ 2 کی سربراہی کرنے والے جج کو بنچ 3 میں رکھا گیا ہے.

اسلام آباد ہائی کورٹ کے 7ججز نےکسی اور کورٹ سے جج لا کر چیف جسٹس بنانے کی مخالفت کردی

کاز لسٹ میں سنگل بینچز کی فہرست میں بھی جسٹس سرفراز ڈوگر کا نام دوسرے اور جسٹس محسن کا نام تیسرے نمبر پر موجود ہے۔

سندھ ہائیکورٹ سے آنے والے جسٹس خادم حسین سومرو 9 ویں اور بلوچستان ہائیکورٹ سے آنے والے جسٹس آصف 11 ویں نمبر پر موجود ہیں۔

واضح رہے کہ دو روز قبل اسلام آباد ہائیکورٹ کے پانچ ججوں نے اپنے خط میں یہ مؤقف اختیار کیا تھا کہ ٹرانسفر ججوں کو نیا حلف لینا ہوگا اور ان کی سنیارٹی بھی اسی دن سے شمار ہوگی۔

پانچ ججوں کے مطابق اگر اس طریقے کو نظر انداز کیا یہ تو یہ آئین سے فراڈ ہوگا، تاہم صدر مملکت آصف زرداری نے پنجاب، سندھ اور بلوچستان ہائیکورٹس سے 3 ججز کا گزشتہ روز اسلام آباد ہائیکورٹ تبادلہ کر دیا تھا.