الہدیٰ انٹرنیشنل اسکول میں اسلامک آرٹ کی 3 روزہ نمائش، طلباء کی تخلیقی سرگرمیاں

فوٹو : راجہ عمران

اسلام آباد : الہدیٰ انٹرنیشنل اسکول ایچ۔الیون کیمپس اسلام آباد کے زیر اہتمام ایک منفرد اسلامی نمائش ”آغازِ تخلیق سے انجامِ کائنات تک“ کے عنوان سے منعقد کی گئی۔ یہ نمائش یکم فروری سے فروری تک جاری رہی۔

الہدیٰ انٹرنیشنل اسکول میں اسلامک آرٹ کی 3 روزہ نمائش، طلباء کی تخلیقی سرگرمیاں توجہ کا مرکز بنی رہیں، نمائش میں اسلامی نقطہ نظر سے تخلیق کے آغاز سے لے کر کائنات کے انجام تک کے سفر کو پیش کیا گیا۔ معلوماتی پینلز، دلچسپ تحقیق،سائنسی حقائق اور طلبا کی پْر اعتماد شرکت نے نمائش کو چار چاند لگا رکھے تھے۔

الہدیٰ انٹرنیشنل اسکول میں اسلامک آرٹ کی 3 روزہ نمائش، طلباء کی تخلیقی سرگرمیاں
الہدیٰ انٹرنیشنل اسکول میں اسلامک آرٹ کی 3 روزہ نمائش، طلباء کی تخلیقی سرگرمیاں

نمائش میں جڑواں شہروں کے معززین،طلبا کے والدین اور میڈیا کے نمائندوں کی بڑی تعداد نے شرکت کی۔ نمائش کے مہمانِ خصوصی ڈائریکٹر ٹیسٹ ڈویلپمنٹ محترم مرزا علی صاحب تھے۔

معززمہمانانِ گرامی میں ڈائریکٹر ایس۔ٹی۔آئی ڈاکٹر مریم شنواری،ڈاکٹر نفیسہ احمد،وزارتِ تعلیم کے سینئر جوائنٹ سیکرٹری محترم سید جنید اخلا ق اور ڈاکٹر عابد علی نظار بھی شامل تھے۔

انہوں نے طلبا کی محنت،تحقیقی و تخلیقی صلاحیتوں اور اساتذہ کی کاوشوں کو سراہا اور ان کی حوصلہ افزائی کرتے ہوئے الہدیٰ کی تعمیری سرگرمیوں کو عصرِ حاضر کے اداروں کے لیے مشعلِ راہ قرار دیا۔

الہدیٰ انٹرنیشنل اسکول میں اسلامک آرٹ کی 3 روزہ نمائش، طلباء کی تخلیقی سرگرمیاں

یہ نمائش ہر عمر اور طبقے کے افراد کے لیے ترتیب دی گئی تھی، جس کا مقصد اسلامی تعلیمات کو آسان زبان اور عام فہم انداز میں پیش کرتے ہوئے زندگی کی حقیقت کو اجاگر کرنا اور انسان کو مقصدِ تخلیق سے جوڑنا تھا۔

اس نمائش کے ذریعے جہاں حاضرین نے اسلامی تعلیمات کی روشنی میں تخلیق کے سفر کو سمجھا وہاں نہ صرف روحانی تحریک حاصل کی بلکہ ایک خوبصورت اجتماعی تجربے سے بھی لطف اندوز ہوئے۔

الہدیٰ انٹر نیشنل اسکول، الہدیٰ ویلفئیر فاوٴنڈیشن کا ایک پروجیکٹ ہے جو اسلامی اور عصری تعلیم کے میدان میں معیاری اور مثالی امتزاج اور ماحول فراہم کرنے کے لیے جانا جاتا ہے۔ یہاں طلبا کو اعلیٰ تعلیم کے ساتھ زندگی کے ہر پہلو میں کامیابی کے لیے تیار کیا جاتا ہے۔

الہدیٰ انٹرنیشنل اسکول میں اسلامک آرٹ کی 3 روزہ نمائش، طلباء کی تخلیقی سرگرمیاں
الہدیٰ انٹرنیشنل اسکول میں اسلامک آرٹ کی 3 روزہ نمائش، طلباء کی تخلیقی سرگرمیاں

منفرد نصاب اور معیاری تدریسی طریقوں کے ساتھ تربیت کو اپنا اولین فرض مانتے ہوئے یہ ادارہ اس وقت مونٹیسوری سے میٹرک تک تعلیمی و تربیتی سہولیات فراہم کرنے کے لیے کوشاں ہے جبکہ شعبہ حفظ کی موجودگی ایک امتیازی سہولت ہے۔

اسلام آباد،کراچی،فیصل آباد،پشاوراور سیالکوٹ میں اپنی شاخوں کے قیامکی منزل حاصل کرنے والا یہ ادارہ مستقبل میں مزید بہتری کے کئی منصوبے زیرِ غور رکھتا ہے۔ مزید جاننے کے لیے ادارے کا دورہ کریں۔

BIG SUCCESS

تبصرے بند ہیں.