پی ٹی آئی احتجاج سے قبل پنجاب بھر دفعہ 144 نافذ، جلسے جلوسوں پر پابندی عائد

فوٹو: فائل

لاہور: پی ٹی آئی احتجاج سے قبل پنجاب بھر دفعہ 144 نافذ، جلسے جلوسوں پر پابندی عائد کر دی گئی، پنجاب حکومت نے صوبے بھر میں کل ہر قسم کے جلسے جلوس، دھرنے اور احتجاج پر پابندی ہوگی۔

ایکسپریس نیوز کے مطابق پنجاب میں ہفتہ 8 فروری کو ہر قسم کے سیاسی احتجاج، جلسے، جلوس، ریلیوں، دھرنوں اور ایسی تمام سرگرمیوں پر پابندی عائد کردی گئی.

پنجاب میں دفعہ 144 کے نفاذ کا فیصلہ امن و امان کے قیام، انسانی جانوں اور املاک کے تحفظ کیلئے کیا گیا ہے۔

وزارت داخلہ پنجاب کے جاری کردہ نوٹی فکیشن کے مطابق سیکیورٹی خطرات کے پیش نظر عوامی جلوس و دھرنا دہشت گردوں کے لیے سافٹ ٹارگٹ ہوسکتا ہے.

شرپسند عناصر عوامی احتجاج کا فائدہ اٹھا کر اپنے مذموم عزائم کی تکمیل کیلئے ریاست مخالف سرگرمیاں کر سکتے ہیں۔

اطلاعات ہیں کہ دفعہ 144 کے نفاذ کا فیصلہ کابینہ کمیٹی برائے امن و امان اور صوبائی انٹیلی جنس کمیٹی کی سفارش پر کیا گیا، واضح رہے پی ٹی آئی 8 فروری کو 2024 کے انتخابات میں دھاندلی کیخلاف احتجاج کررہی ہے۔