فوٹو : فائل
ہرنائی : بلوچستان کے ضلع ہرنائی میں دھماکہ، مرنے والوں کی تعداد11ہوگئی، اموات میں اضافے کا خدشہ ہے، یہ دھماکہ ہرنائی کے علاقے شاہرگ میں مزدروں کی گاڑی کے قریب ہوا.
دھماکے سے متعدد مزدور زخمی ہوئے جن میں سے 2 بعد میں زخموں کی تاب نہ لاتے ہوئے چل بسے، شاہرگ میں کوئلے کی کان میں کام کرنے والے مزدروں کی گاڑی کے قریب دھماکا ہوا جس میں یہ افراد زخمی ہو گئے۔
بلوچستان کے ضلع ہرنائی میں دھماکہ کے حوالے سے پولیس کا کہنا ہے کہ ہرنائی کے علاقے شاہرگ میں کوئلے کی کان میں کام کرنے والے مزدروں کی گاڑی کے قریب دھماکا ہوا ہے۔
پولیس کے مطابق دھماکے میں زخمی ہونے والے متعدد زخمیوں کی حالت تشویشناک ہے، قانون نافذ کرنے والے ادارے کے اہلکار بھی موقع پر پہنچ گئے اور دھماکے کی جگہ کو تحویل میں لیکر شواہد اکٹھے کرنا شروع کر دیے ہیں۔
ڈپٹی کمشنر ہرنائی کا بتانا ہے کہ شاہرگ کے علاقے میں دھماکے سے 9 مزدور جاں بحق اور 8 زخمی ہوئے، زخمیوں کو فوری طور پر قریبی اسپتال منتقل کیا گیا جہاں بعد ازاں مزید 2 مزدور زخموں کی تاب نہ لاتے ہوئے دم توڑ گئے۔
شاہرگ دھماکے میں جاں بحق اور زخمی ہونے والے زیادہ تر مزدوروں کا تعلق خیبرپختونخوا کے ضلع شانگلہ کے گاؤں پورن سے ہے۔
ترجمان حکومت بلوچستان نے شاہرگ دھماکےمیں مزدوروں کے جاں بحق ہونے پر افسوس کا اظہار کرتے ہوئے بتایا کہ دھماکےکے زخمیوں کا شاہرگ اسپتال میں علاج جاری ہے۔
ترجمان صوبائی حکومت شاہد رند کا کہنا ہے کہ شاہرگ میں دھماکےکی تحقیقات کا حکم دے دیا ہے، ابتدائی تحقیقات کے مطابق سڑک کنارے دھماکا خیز مواد نصب تھا۔
تبصرے بند ہیں.