فوٹو:سوشل میڈیا
کوئٹہ: بلوچستان کے شہرکوہلو کے مرکزی بازار میں بم دھماکے کے نتیجے میں 2افراد جاں بحق جبکہ متعدد افراد زخمی ہوگئے۔
دھماکہ بلوچستان کے شہر کوہلو کے مرکزی بازار میں مٹھائی کی دکان پر ہوا جس کے باعث دو افراد جاں بحق جب کہ 20 زخمی ہوگئے۔
پولیس حکام کا کہنا ہے کہ دھماکے کے بعد دکان زمین بوس ہوگئی، کئی لوگ ملبے تلے دبے ہوئے ہیں۔ریسکیو اہلکاروں نے زخمیوں کو ہسپتال منتقل کردیا جہاں انہیں طبی امداد فراہم کی جارہی ہے،
ہسپتال ذرائع کے مطابق 12 زخمیوں کی حالت تشویشناک بتائی جارہی ہے۔دھماکے کی اطلاع ملتے ہی پولیس، لیویز اور ایف سی نے علاقے کو گھیرے میں لے لیا جب کہ ڈی ایچ کیو میں ایمرجنسی نافذ کردی گئی ہے۔
رپورٹ کے مطابق تاحال دھماکے کی نوعیت معلوم نہیں ہوسکی ہے، پولیس واقعے کی تحقیقات جاری رکھے ہوئے ہے ۔
تبصرے بند ہیں.