فوٹو:فائل
اسلام آباد: پاکستان کے سفیر کو امریکہ داخل ہونے سے روک دیا گیا،دفترخارجہ نے بھی تصدیق کردی،یہ خبرگزشتہ روزمیڈیا اورسوشل میڈیا پرسامنے آئی تھی۔
اس حوالےسے نجی ٹی وی جیو نیوزکی رپورٹ کے مطابق ترجمان دفترخارجہ نے پاکستان کے ترکمانستان میں تعینات سفیر کو امریکا میں داخلے سے روکنے کی تصدیق کردی ہے۔
ترجمان دفترخارجہ نے گزشتہ روز پاکستان کے ترکمانستان میں تعینات سفیر احسن وگن کو امریکا میں داخلے سے روکنے سے متعلق جیو نیوز کے خبر کی تصدیق کی ہے۔
رپورٹ کے مطابق ترجمان دفتر خارجہ نے کہا کہ متعلقہ افسر نجی دورے پر امریکا گئے تھے تاہم اس حوالے سے مزید تحقیقات جاری ہیں۔
ترجمان کے مطابق پاکستانی سفارتکار کی امریکا سے واپسی کا معاملہ وزارت خارجہ دیکھ رہی ہے، معاملے کی مکمل جانچ پڑتال ہورہی ہے لہٰذا قیاس آرائیوں سےگریزکیا جائے۔
گزشتہ روز سفارتی ذرائع سے یہ خبر سامنے آئی تھی کہ پاکستان کے ترکمانستان میں تعینات سفیر کو امریکا داخلے سے روک دیا گیا اور انہیں امریکی شہر لاس اینجلس سے واپس ڈیپورٹ کیا گیا۔
تبصرے بند ہیں.