فوٹو:سوشل میڈیا
کرائسٹ چرچ : نیوزی لینڈکاپاکستان کیخلاف سیریزکےلئے اسکواڈ کااعلان،کپتان تبدیل،کئی اہم کھلاڑی شامل نہیں ہیں، اورپاکستان کیخلاف ٹیم کی قیادت مائیکل بریسویل کریں گے۔
سولہ مارچ شروع ہونے والی پاکستان کے خلاف ہوم ٹی ٹوئنٹی سیریز کیلئے نیوزی لینڈ کے 15 رکنی اسکواڈ کا اعلان کر دیا گیا۔
پاکستان اور نیوزی لینڈ کے درمیان 5 میچز پر مشتمل سیریز 16 مارچ سے کرائسٹ چرچ میں شروع ہوگی۔
اس کے علاوہ 5 میچز پر مشتمل سیریز میں مائیکل بریسویل نیوزی لینڈ کی ٹیم کی قیادت کریں گے۔
سیریز کیلئے نیوزی لینڈ ٹیم میں چیمپئنز ٹرافی اسکواڈ کے 7 کھلاڑی شامل ہیں۔
نیوزی لینڈ کے اہم کھلاڑیوں نے نیشنل ڈیوٹی کی بجائے آئی پی ایل کوترجیح دی ہے،لوکی فرگوسن ، ڈیون کونوے، گلین فلپس، رچن رویندرا اور مچل سینٹنر آئی پی ایل کی وجہ سے سیریز نہیں کھیلیں گے۔
کیوی اسکواڈ میں ایش سودھی اور بین سیئرز کی واپسی ہوئی ہے جبکہ کائل جیمیسن اور ول او رورکی ابتدائی 3 میچز میں شرکت کریں گے۔
میٹ ہینری کو آخری 2 میچز کیلئے ٹیم میں شامل کیا گیا ہے۔
پاکستان کے خلاف 5 میچز پر مشتمل سیریز کیلئے کیوی اسکوڈ میں کپتان مائیکل بریسویل، فن ایلن، مارک چیپمین، جیکب ڈفی، زیک فوکس، مچ ہے، میٹ ہینری، کائل جیمیسن، ڈیرل مچل، جمی نیشم، ول او رورکی،ٹم رابن سن، بین سیئرز، ٹم سائفرٹ،ایش سودھی شامل ہیں۔
واضح رہے کہ پاکستان اور نیوزی لینڈ کے درمیان 5 ٹی ٹوئنٹی میچز 16 سے 25 مارچ تک ہوں گے۔
تبصرے بند ہیں.